65 Nkaambo Jehova wakaamba boobu kujatikizya mbabo: “Masimpe bayoofwida munkanda.”+ Aboobo kunyina naba omwe wakasyaala akati kabo pele buyo Kalebe imwana wa Jefune a Joshua imwana wa Nuni.+

11 ‘Bantu ibakazwa mucisi ca Egepita ibali amyaka iili 20 kuya kumbele tabakaiboni nyika+ eeyo njindakakonkezya kuli Abrahamu, Izaka a Jakobo,+ nkaambo tiibanditobela amoyo woonse– 12 pele buyo Kalebe+ imwana wa Jefune muna Kenizi a Joshua+ imwana wa Nuni, nkaambo batobela Jehova amoyo woonse.’+

34 “Ciindi coonse eeci Jehova wakali kuswiilila majwi aanu, eelyo wakanyema kapati akukonka kuti,+ 35 ‘Kunyina naba omwe akati kabantu aaba bazyalani eeli libi ibayoobona nyika mbotu njondakakonkezya kuti ndiyakwiipa kuli bamauso,+ 36 pele buyo Kalebe mwana wa Jefune. Walo uyakwiibona alimwi nyika eeyo njaakatwela ndiyakwiipa kulinguwe akubana bakwe akaambo kakuti watobela Jehova amoyo woonse.*+ 37 (Jehova wakandinyemena andime akaambo kandinywe alimwi wakati, “Anduwe tokanjili munyika eeyo.+ 38 Joshua mwana wa Nuni uukubelekela+ nguuyonjila munyika eeyo.+ Komuyumya,*+ nkaambo nguuyoosololela bana Israyeli kuti bakone nyika.”)