25 Mukuli wabana Gerisoni+ mutente lyakuswaanganina wakali wakulanganya tente lyakukombela+ kuligama azyakuvwumba atala,+ mulembo+ waamulyango watente lyakuswaanganina, 26 milembo yakusitilizya lubuwa,+ mulembo+ waamulyango walubuwa luzinguluka tente lyakukombela acipaililo alimwi antambo zyalyo amilimo yoonse iijatikizya zintu eezyi.

30 Silutwe waciinga cabamausyi camikwasyi yabana Kohati wakali Elizafana imwana wa Uzieli.+ 31 Mukuli wabo wakali kubikkilizya akulanganya Bbokesi,+ tebulu,+ cibikkilo camalambe,+ zipaililo,+ zibelesyo+ nzyobakali kubelesya mubusena busalala alimwi acisitilizyo+ amilimo yoonse iijatikizya zintu eezyi.+

36 Bana ba Merari bakajisi mukuli wakulanganya minsende+ yatente lyakukombela, minkulwa+ yalyo, misemu+ yalyo, ziimikizizyo zyalyo, zibelesyo+ zyalyo zyoonse amilimo yoonse iijatikizya zintu eezyi,+ 37 kubikkilizya amisemu iizinguluka lubuwa aziimikizizyo+ zyayo, nembe zyayo antambo zyayo.