-
Deuteronomo 30:1-3Bbaibbele lya Busanduluzi Bwanyika Mpya
-
-
30 “Zintu eezyi zyoonse zyaakumucitikila, izilongezyo akusinganya nzyondabikka kubusyu bwanu,+ mwaakuziyeeya+ akati kabamasi boonse ooko Jehova Leza wanu nkwayoomumwaila,+ 2 alimwi nywebo abana banu mwaakupiluka kuli Jehova Leza wanu+ akuswiilila jwi lyakwe amoyo wanu woonse abuumi bwanu boonse kweelana azintu zyoonse nzyondimulailila sunu,+ 3 Jehova Leza wanu uyoopilusya baange banu+ akumufwida luse+ alimwi akumuyobolola kuzwa akati kabamasi boonse ooko Jehova Leza wanu nkwaakamumwaila.+
-
-
Deuteronomo 30:8-10Bbaibbele lya Busanduluzi Bwanyika Mpya
-
-
8 “Mpoonya muyoopiluka akuswiilila jwi lya Jehova akutobela milawo yakwe yoonse njondimulailila sunu. 9 Jehova Leza wanu uyoomulongezya kapati mumilimo yoonse yamaanza aanu,+ uyoomupa bana banji, banyama bavwubwa banji alimwi abutebuzi bunji, nkaambo Jehova uyookkomana kumucitila zibotu mbubonya mbwaakabakkomanina bamauso.+ 10 Nkaambo muyooswiilila jwi lya Jehova Leza wanu kuti mutobele milawo amalailile aakwe aalembedwe mubbuku eeli lya Mulawo, nkaambo muyoopiluka kuli Jehova Leza wanu amoyo wanu woonse abuumi bwanu boonse.+
-
-
1 Bami 8:48, 49Bbaibbele lya Busanduluzi Bwanyika Mpya
-
-
48 eelyo bapiluka kulinduwe amyoyo yabo yoonse+ abuumi bwabo boonse mucisi cabasinkondonyina aabo ibakabatola mubuzike, alimwi ikuti bapaila kulinduwe kabalangide kunyika eeyo njookapa bamausyi amunzi ngookasala alimwi akuŋanda njondayaka akaambo kazina lyako,+ 49 uswiilile kujulu, kubusena bwako nkokkala,+ mipailo yabo akulomba kwabo kwakuti ubafwide luzyalo, alimwi ubabetekele makani
-