23 Pele Sihoni tanaakabazumizya bana Israyeli kwiinda mucilawo cakwe pe. Muciindi caboobo, wakabunganya bantu bakwe boonse akuunka kuyooswaangana abana Israyeli munkanda, eelyo bakasika ku Jahazi akutalika kulwana bana Israyeli.+ 24 Pele bana Israyeli bakazunda bana Amori apanga+ akubweza cisi cabo+ kuzwa ku Arinoni+ kusikila ku Jaboki,+ kufwaafwi abana Amoni, nkaambo Jazeri+ ngomunyinza wabana Amoni.+

12 Lino aaba mbabami bamunyika aabo mbobakazunda bana Israyeli alimwi mbobakabwezela nyika kuti ibe lukono lwabo kutala lya Jordano kulubazu lwakujwe, kuzwa ku Kkuti lya Arinoni*+ kusikila ku Cilundu ca Herimoni+ alimwi aku Araba yoonse kulubazu lwakujwe:+ 2 Mwami Sihoni+ wabana Amori iwakali kukkala mu Hesiboni, iwakali kweendelezya kuzwa ku Aroeri,+ imunzi wakali kunkomwe ya Kkuti lya Arinoni,*+ akkuti mpolili akati, acisela ca Gileadi kusikila ku Kkuti* lya Jaboki, munyinza wabana Amoni.