14 Bana Israyeli bakabelekela Egiloni mwami wa Moabu myaka iili 18.+

6 Pele alimwi bana Israyeli bakatalika kucita zintu zibi mumeso aa Jehova,+ aboobo Jehova wakabaaba mumaanza aabana Midiyani myaka iili ciloba.+ 2 Bana Midiyani bakabadyaaminina bana Israyeli.+ Akaambo kabana Midiyani, bana Israyeli bakalipangila masena aakuyubila* mumalundu, mumampangala amumasena aakatazya kusika.+ 3 Kwakali kunga bana Israyeli basyanga mbuto, bana Midiyani, bana Amaleki+ abantu ba Kujwe+ bakali kubalwana. 4 Bakali kuyaka nkambi kutegwa babalwane akubanyonyweeda zisyango kusikila ku Gaza, alimwi tiibakali kubasiila bana Israyeli cakulya cili coonse, noiba mbelele naa ŋombe naa mbongolo.+ 5 Nkaambo bakali kuboola abanyama babo bavwubwa amatente, kabali banji mbuli cikwikwi,+ alimwi balo ankamela zyabo tiibakali kukonzya kubalwa,+ bakali kuboola munyika kuti bainyonyoone.

27 Aboobo wakabaaba mumaanza aabasinkondonyina,+ aabo ibakazumanana kubapenzya.+ Pele mumapenzi aabo bakali kukukwiilila, eelyo wakali kuswiilila kujulu; alimwi akaambo kaluzyalo lwako lupati, wakabapa basikubafwutula kutegwa babafwutule mumaanza aabasinkondonyina.+