28 Naakamana kubuzya-buzya, mwami Jeroboamu wakapanga boombe bangolida+ bobilo akwaambila bantu kuti: “Mwapenga kapati kweenda kuya ku Jerusalemu. Ngooyu Leza wako, O Israyeli, iwakakugwisya mucisi ca Egepita.”+ 29 Eelyo moombe umwi wakamubikka ku Beteli,+ mpoonya uumbi wakamubikka ku Dani.+ 30 Lino eeci cakabapa kubisya,+ alimwi bantu bakatalika kuunka mane kuyoosika ku Dani kuyookomba moombe wakali kooko.

33 Nokuba kuti zintu eezyi zyakacitika, Jeroboamu tanaakaleka nzila zyakwe zibi pele wakazumanana kubikka bantu buyo kuba bapaizi bamumasena aakukombela.+ Wakali kubikka kufwumbwa wakali kuyanda kuba mupaizi* kaamba kuti: “Aabe umwi wabapaizi bamumasena aakukombela.”+ 34 Cibi eeci ncobakacita bamuŋanda ya Jeroboamu+ ncecakapa kuti banyonyoonwe akuloba anyika.+