51 Aboobo Mwami Solomoni wakamanizya mulimo woonse ngwaakeelede kucita kujatikizya ŋanda ya Jehova. Mpoonya Solomoni wakaleta zintu nzyaakasalazya Davida usyi,+ kumane wakabikka nsiliva, ngolida azibelesyo muziyobwedo zyaŋanda ya Jehova.+

18 Eelyo Asa wakabweza nsiliva angolida zyoonse zyakasyeede muziyobwedo zyamuŋanda ya Jehova alimwi amuziyobwedo zyamuŋanda yamwami akuzipa kubabelesi bakwe. Kumane mwami Asa wakazituma kuli Beni-hadadi mwana wa Tabirimoni imwana wa Hezioni, mwami wa Siriya,+ iwakali kukkala ku Damasiko, kati:

14 Aboobo Mwami Hezekiya wa Juda wakatuma mulomo kumwami wa Asuri ku Lakisi kuti: “Ndabisya. Koleka kundilwana alimwi ndilakupa kufwumbwa ncotiindaambile.” Mwami wa Asuri wakaambila Mwami Hezekiya wa Juda kuti ape matalenta* aansiliva aali 300 amatalenta aangolida aali 30. 15 Aboobo Hezekiya wakamupa nsiliva yoonse yakali kukonzya kujanika muŋanda ya Jehova amuziyobwedo zyamuŋanda yamwami.+

12 Mwami Jehoyakini wa Juda wakalyaaba kumwami wa Babuloni+ antoomwe abanyina, babelesi bakwe, basilutwe bakwe alimwi ankumekume zyakwe zyamunkuta;+ eelyo mwami wa Babuloni wakamutola mubuzike mumwaka walusele wabulelo bwakwe.+ 13 Mpoonya wakagwisya zintu zyoonse ziyandisi zyamuŋanda ya Jehova alimwi azintu zyoonse ziyandisi zyamuŋanda yamwami.+ Wakazipwayaula zibelesyo zyoonse zyangolida mutempele lya Jehova+ eezyo Solomoni mwami wa Israyeli nzyaakapangide mbubonya mbwaakaambide Jehova.