16 Mwami Solomoni wakapanga ntobo zipati zili 200 zyangolida iisangene alubulo lumbi+ (kuntobo mpati imwi aimwi wakabikka ngolida iilema masyekeli* aali 600 )+ 17 antobo zyangolida zisyoonto zili 300 (kuntobo nsyoonto imwi aimwi wakabikka ngolida iilema mamaina* otatwe). Mpoonya mwami wakazibikka mu Ŋanda ya Cisaka caku Lebano.+

9 Aboobo Mwami Sisaki wa Egepita wakaboola kuzoolwana Jerusalemu. Wakabweza zintu ziyandisi zyamuŋanda ya Jehova+ alimwi azintu ziyandisi zyamuŋanda yamwami. Wakazibweza zyoonse kubikkilizya antobo zyangolida nzyaakapangide Solomoni.+ 10 Aboobo Mwami Rehoboamu wakapanga ntobo zyamukuba mubusena bwanzizyo akuzipa basilutwe babalindizi, aabo ibakali balindizi* bamulyango waŋanda yamwami. 11 Lyoonse mwami naakali kuboola kuŋanda ya Jehova, balindizi aaba bakali kunjila akuzibweza, mpoonya bamana bakali kuzipilusya kuŋanda yabalindizi.