2 Asa wakacita zintu zibotu alimwi ziluleme mumeso aa Jehova Leza wakwe. 3 Wakagwisya zipaililo zyabaleza beenzu+ amasena aakukombela alimwi wakapwayaula misemu yamabwe yakukomba+ akugonkaula misemu yazisamu yakukomba.*+ 4 Kuyungizya waawo, wakaambila ba Juda kuti bayandaule Jehova Leza wabamausyi kuti batobele Mulawo akuubamba. 5 Aboobo wakanyonyoona masena aakukombela alimwi azibikkilo zyatununkilizyo muminzi yoonse ya Juda,+ alimwi mubweendelezi bwakwe, bwami oobu bwakazumanana kuba muluumuno.

11 Mpoonya Asa wakaita Jehova Leza wakwe+ akwaamba kuti: “O Jehova, tacikwe makani kulinduwe naa aabo mbogwasya mbanji naa tabajisi nguzu.+ Kotugwasya, O Jehova Leza wesu, nkaambo tusyoma* nduwe+ alimwi muzina lyako twaboola kuti tulwane nkamu eeyi.+ O Jehova, nduwe Leza wesu. Utalekeli muntu uulya maila kuti akuzunde.”+

17 Pele masena aakukombela tanaakagwisyigwa+ mu Israyeli.+ Nokuba boobo, moyo wa Asa wakalimaninide kuli Leza mubuumi bwakwe boonse.*+