7 Mpoonya ndakati kumwami: “Ikuti naa ncibotu kulinduwe omwami, kondipa magwalo aakutolela beendelezi ba Mutala aa Mulonga,*+ kutegwa bakandizumizye kwiinda kakunyina buyumuyumu mane ndikasike ku Juda, 8 alimwi alugwalo lwakutola kuli Asafu uulanganya Cisaka ca Mwami, kutegwa akandipe masamu aakubambya milyango ya Ŋanda Njumu Yamayubilo+ yatempele, bulambo bwamunzi+ alimwi aŋanda oomo mondiyookkala.” Aboobo mwami wakandipa+ magwalo nkaambo janza libotu lya Leza wangu lyakali alindime.+