11 Aboobo Israyeli usyi wakati kulimbabo: “Ikuti naa cili boobo, nkokuti amucite boobu: Amubweze zintu zibotu kapati zyamunyika iino mumasaka aanu akuzitola kumwaalumi ooyo kacili cipego:+ tufwuta tununkilila twamabbona,+ tubuci tusyoonto, tufwuta tununkilila twalabbudamu amakwa aajisi bulimbo bununkilila,+ nyemu alimwi amaalumondi.

2 Wakasika mu Jerusalemu abasikumusindikila banji+ ankamela zyakanyamwide mafwuta aamabbona,+ ngolida zinji amabwe mayandisi. Wakaunka kuli Solomoni akumwaambila zyoonse izyakali mumoyo wakwe.

13 Hezekiya wakabatambula* akubatondezya ŋanda yakwe yoonse oomo mwaakali kuyobweda zintu zyakwe ziyandisi+–nsiliva, ngolida, mafwuta aamabbona, amafwuta aambi mayandisi, zilwanyo zyakwe alimwi azintu zyoonse izyakali muziyobwedo zyakwe. Kunyina cintu nociba comwe Hezekiya ncaatakabatondezya muŋanda* yakwe amubulelo bwakwe boonse.