6 “Lino eeyi njemilawo amalailile alimwi ambeta eezyo Jehova Leza wanu nzyaandilailila kuti ndimuyiisye, kutegwa mukazicite mwaakuzabuka akunjila munyika eeyo njomuyoobweza, 2 kutegwa kamumuyoowa Jehova Leza wanu akubamba milazyo amilawo yakwe yoonse njondimulailila–nywebo, bana banu abazyukulu banu+–mazuba oonse aabuumi bwanu kutegwa mupone mazuba manji.+

19 Ndatamba julu anyika kuti zimubede bakamboni sunu, kuti ndabikka buumi alufwu, cilongezyo akusinganya kumbele lyanu;+ aboobo mweelede kusala buumi kutegwa muzumanane kupona,+ nywebo abana banu,+ 20 kwiinda mukuyanda Jehova Leza wanu,+ kuswiilila jwi lyakwe akukakatila kulinguwe,+ nkaambo nguumupa buumi akoongola kutegwa mukkale munyika eeyo Jehova njaakakonkezya kupa bamauso, Abrahamu, Izaka a Jakobo.”+

10 Nkaambo “kufwumbwa ooyo uuyanda buumi akubona mazuba mabotu weelede kuujata mulaka wakwe kukwaamba zintu zibyaabi+ amilomo yakwe kukwaamba zyalweeno. 11 Azifwutatile zintu zibi+ akucita zibotu;+ ayandaule luumuno akusungwaala kulutobela.+ 12 Nkaambo meso aa Jehova* alangide balulami, amatwi aakwe alaswiilila mipailo yabo yakukombelezya,+ pele busyu bwa Jehova* mbukali kulibaabo bacita zibi.”+