25 Naakasika ku* Jerusalemu kuzooswaangana amwami, mwami wakati kulinguwe: “Mefiboseti, ino nkaambo nzi ncootakaunka andime?” 26 Eelyo walo wakati: “Omwami simalelaangu, mubelesi wangu+ wakandeena. Nkaambo mebo ndemubelesi wako ndakamwaambilide kuti, ‘Leka ndibweze mbongolo yangu kutegwa nditante akuunka antoomwe amwami,’ mbwaanga ndili mulema.+ 27 Pele wakandibejekezya ndemubelesi wako. Nokuba boobo yebo omwami simalelaangu+ uli mbuli mungelo wa Leza mwini-mwini, aboobo kocita kufwumbwa cibotu mumeso aako.