8 “Umwi muntu naakutamba kupobwe lyabwiinga, utakkalili mubusena bulemenede kapati.+ Nkaambo ambweni muntu umwi uulemenede kwiinda nduwe awalo wakatambwa. 9 Eelyo ooyo wakamutamba nyoonse nyobilo ulaboola akukwaambila kuti, ‘Akukkale yooyu abusena bwako.’ Eelyo yebo uyakunyamuka akweenda kofwide nsoni akuyookkalila kubusena bwaansi kapati. 10 Pele nowatambwa, koya ukakkalile kubusena bwakumamanino, kutegwa muntu ooyo wakutamba asika akwaambile kuti, ‘Mweenzuma, koya ukkalile kumbele.’ Eelyo uyooba abulemu kumbele lyabeenzunyoko boonse.+

5 Mbubonya buyo, nywebo nobalombwana amulibombye kubapati.*+ Pele nyoonse amulicesye kuli umwi aumwi, nkaambo Leza ulabakazya ibalisumpula, pele ulabafwida luzyalo aabo ibalicesya.+