28 Aboobo bana Israyeli boonse bakamvwa lubeta lwamwami, eelyo bakayoowa akaambo kamwami,+ nkaambo bakabona kuti busongo bwa Leza bwakubeteka makani bwakali mulinguwe.+

29 Leza wakapa Solomoni busongo, bupampu butaambiki alimwi amoyo mupati* mbuli musenga wakunkomwe yalwizi.+ 30 Solomoni wakali musongo kapati kwiinda bantu boonse ba Kujwe alimwi abana Egepita.+ 31 Wakali musongo kwiinda bantu boonse, kwiinda Etani+ muna Ezara, Hemani,+ Kalikoli a Darida mwana wa Maholi;+ alimwi mpuwo yakwe yakamwaika kuzisi zyoonse zyakazingulukide.+

10 Kondipa busongo aluzyibo+ kutegwa ndeendelezye bantu aaba,* nkaambo ino nguni uukonzya kubeteka bantu bako aaba banji boobu?”+

11 Mpoonya Leza wakati kuli Solomoni: “Akaambo kakuti eeci ncoyandisya mumoyo wako, tiiwalomba buvwubi, lubono abulemu naa buumi bwabaabo bakusulide nokuba koongola,* pele walomba busongo aluzyibo kutegwa ubeteke bantu bangu aabo mbondakubikka kuti ube mwami wabo,+ 12 tokoopegwa buyo busongo aluzyibo pe; pele ndilakupa abuvwubi, lubono alimwi abulemu oobo bami bakakusaangunina mbobatakajisi alimwi abaabo ibayooboola musyule lyako mbobatakabi ambubo.”+