• Joshua 23:14
    Bbaibbele lya Busanduluzi Bwanyika Mpya

    • 14 “Lino amubone, ndilaafwaafwi kufwa,* alimwi mulizyi kabotu amyoyo yanu yoonse abuumi bwanu boonse kuti kunyina cisyomezyo nociba comwe catazuzikizyigwa akati kazisyomezyo zibotu zyoonse Jehova Leza wanu nzyaakamusyomezya. Zyoonse zyacitika kulindinywe. Kunyina nociba comwe catazuzikizyigwa.+

  • Isaya 55:10, 11
    Bbaibbele lya Busanduluzi Bwanyika Mpya

    • 10 Nkaambo mbubonya mvwula mboiwa alimwi acaanda mbociloka kuzwa kujulu,

      Eelyo tazipiluki nkuko ccita mane zyaitesya nyika, akwiipa kuti izyale micelo akusyuuka,

      Akupa mbuto kumuntu uusyanga acakulya kuli yooyo uulya,

      11 Mbubonya oobo alyalo jwi lyangu eelyo lizwa kumulomo wangu mboliyooba.+

      Talikapiluki cinkwamaanza kulindime,+

      Pele liyoocicita ncobeni coonse eeco ncondiyanda,+

      Ncobeni liyoozwidilila muliceeco ncondalituma kuti licite.

  • Zekariya 1:6
    Bbaibbele lya Busanduluzi Bwanyika Mpya

    • 6 Nokuba boobo, majwi aangu alimwi amalailile ngondakapede babelesi bangu basinsimi akabasikila bamauso, sena tabusyi?’+ Aboobo bakapiluka kulindime akwaamba kuti: ‘Jehova wamakamu watucitila kweelana anzila zyesu alimwi amicito yesu, kweelana ambwaakakanzide kutucitila.’”+