• Isaya 6:11, 12
    Bbaibbele lya Busanduluzi Bwanyika Mpya

    • 11 Eelyo mebo ndakati: “Kusikila lili, O Jehova?” Mpoonya walo wakati:

      “Kusikila mane minzi ikanyonyooke akubula bantu bakkala mumo

      Aalo maanda kaatacikwe bantu

      Alimwi cisi cikanyonyooke akuba matongo;+

      12 Kusikila mane Jehova akabatandile kule kapati bantu+

      Aalo matongo akavwule kapati mucisi.

  • Jeremiya 26:18
    Bbaibbele lya Busanduluzi Bwanyika Mpya

    • 18 “Mika+ waku Moresati wakali kusinsima mumazuba aa Mwami Hezekiya+ wa Juda alimwi wakaambila bantu boonse bamu Juda kuti, ‘Mboobu mbwaamba Jehova wamakamu:

      “Ziyoni uyoolimwa mbuli muunda,

      Jerusalemu uyooba zitantaala buyo,+

      Acalo cilundu ca Ŋanda* ciyooba mbuli malundu aamusyokwe.”’*+

  • Ezekieli 36:4
    Bbaibbele lya Busanduluzi Bwanyika Mpya

    • 4 nkokuti, nywebo nomalundu aa Israyeli, amumvwe jwi lya Mwami Singuzuzyoonse Jehova! Mboobu Mwami Singuzuzyoonse Jehova mbwaambila malundu atulundu-lundu, tulonga amakkuti, matongo aatakwe cintu cili coonse,+ alimwi aminzi yakasiigwa eeyo yakasaalwa akusampaulwa abantu bakafwutuka bamumasi aabazingulukide;+