15 Jehova Leza wabamausyi wakazumanana kubacenjezya kwiinda mubatumwa bakwe, wakabacenjezya cakwiinduluka-induluka nkaambo wakabafwida lubomba bantu bakwe alimwi acikkalilo cakwe. 16 Pele bakali kubaseka batumwa ba Leza mwini-mwini+ akusampaula majwi aakwe+ alimwi akufwubaazya basinsimi bakwe+ cakuti tiibakacili kunyoneka kusikila bukali bwa Jehova bwakababukila bantu bakwe.+

26 “Nokuba boobo bakaleka kukuswiilila alimwi bakakuzangila+ akufwutatila Mulawo wako.* Bakajaya basinsimi bako aabo ibakali kubacenjezya kutegwa babapilusye kulinduwe, alimwi bakacita zintu zipati zitondezya kubula bulemu.+

30 Wakabakkazikila moyo+ myaka minji akuzumanana kubacenjezya kubelesya muuya wako kwiinda mubasinsimi, pele bakakaka kuswiilila. Aboobo wakabaaba mumaanza aabamasi.+

3 “Kuzwa mumwaka wa 13 wa Josiya+ mwana wa Amoni, mwami wa Juda, kusikila buzuba obuno, imyaka eeyi iili 23 ijwi lya Jehova lyalikundisikila, alimwi nywebo ndalikumwaambila cakwiinduluka-induluka,* pele kunyina nomwali kuswiilila pe.+