7 ndiyoobanyonyoona bana Israyeli munyika eeyo njindakabapa,+ alimwi ŋanda njindasalazizya zina lyangu ndiyakwiimwaya kubusyu bwangu+ alimwi bana Israyeli bayooba cintu ciweelwa* alimwi cisampaulwa akati kabantu boonse.+

9 Ndiyoobapa kuba cintu cigambya alimwi ciletela mapenzi kumami oonse aamunyika,+ kuti babe cintu ciletela masampu akuba kasimpi kamasendekela, cintu cisampaulwa akusinganizyigwa,+ kumasena oonse nkondiyoobamwaila.+

18 “Nkaambo mboobu mbwaamba Jehova wamakamu, Leza wa Israyeli: ‘Mbubonya buyo kunyema kwangu alimwi abukali bwangu mbozyakatilwa abantu ibakali kukkala mu Jerusalemu,+ mbombubo bukali bwangu mbobuyootilwa aalindinywe ikuti naa muunke ku Egepita, alimwi muyooba cintu citukilwa, cigambya, cisinganizyigwa alimwi cisampaulwa,+ alimwi tamukabuboni kabili busena oobu.’