15 Aboobo wakamutola Jehoyakini+ kali mwaange ku Babuloni;+ kubikkilizya abanyina mwami, bamakaintu bamwami, nkumekume zyakwe zyamunkuta alimwi abantu balemekwa bamucisi wakabatola kabali baange ku Babuloni kuzwa ku Jerusalemu. 16 Alimwi mwami wa Babuloni wakabatola kabali baange ku Babuloni basikalumamba boonse ibali 7,000 kubikkilizya abasyaazibwene mukupanga zintu abafwuzi* ibali 1,000, boonse aaba bakali baalumi basinguzu ibakayiisyidwe kulwana munkondo.

29 Aaya ngamajwi aakali mulugwalo musinsimi Jeremiya ndwaakatuma kuzwa ku Jerusalemu kubapati bakasyeede akati kabantu ibakatolwa mubuzike, kubapaizi, kubasinsimi alimwi akubantu boonse, aabo Nebukadinezara mbaakatola mubuzike kuzwa ku Jerusalemu kuya ku Babuloni, 2 nkokuti ciindi Mwami Jekoniya+ antoomwe abanyina mwami,+ nkumekume zyamuŋanda yamwami, basilutwe baku Juda aku Jerusalemu, basyaabupampu alimwi abafwuzi* kabaunkide kale kuzwa ku Jerusalemu.+