• Jeremiya 49:1
    Bbaibbele lya Busanduluzi Bwanyika Mpya

    • 49 Lino kujatikizya bana Amoni,+ mboobu mbwaamba Jehova:

      “Sena Israyeli tajisi bana basankwa?

      Sena tajisi sikukona uuli woonse?

      Ino nkaambo nzi Milikomi+ ncaakonena Gadi?+

      Alimwi nkaambo nzi bantu bakwe ncobakkala muminzi ya Israyeli?”

  • Amosi 1:13
    Bbaibbele lya Busanduluzi Bwanyika Mpya

    • 13 Mboobu mbwaamba Jehova,

      ‘“Akaambo kamilandu yotatwe yabuzangi bwabana Amoni,+ inzya akaambo kamilandu yone, tandikaleki kubauma,

      Akaambo kakuti bakaandula mada aabamakaintu bamitide baku Gileadi, kutegwa bakomezye cilawo cabo.+

  • Zefaniya 2:9
    Bbaibbele lya Busanduluzi Bwanyika Mpya

    •  9 Aboobo, ncobeni mebo mbondili muumi,” mbwaamba Jehova wamakamu, Leza wa Israyeli,

      “Moabu uyooba mbubonya mbuli Sodoma,+

      Abalo bana Amoni bayooba mbuli Gomora,+

      Ibusena bwamamvwa, imulindi wamunyo amatongo lyoonse alyoonse.+

      Basyeede akati kabantu bangu bayoobasaala,

      Inzya basyeede mucisi cangu bayoobakona.