• Intembauzyo 115:4-7
    Bbaibbele lya Busanduluzi Bwanyika Mpya

    •  4 Mituni yabo njansiliva angolida,

      Milimo yamaanza aabantu.+

       5 Ilijisi mulomo, pele tiikonzyi kwaambaula;+

      Ilijisi meso, pele tiikonzyi kubona;

       6 Ilijisi matwi, pele tiikonzyi kumvwa;

      Ilijisi mpemo, pele tiikonzyi kununkizya;

       7 Ilijisi maanza, pele tiikonzyi kwaampaampa;

      Ilijisi maulu, pele tiikonzyi kweenda;+

      Kunyina noikuluma amagoyooyo aanjiyo.+

  • Isaya 46:6, 7
    Bbaibbele lya Busanduluzi Bwanyika Mpya

    •  6 Nkobali aabo batuntumuna ngolida kuzwa mumpotomona zyabo;

      Bapima nsiliva aacikkelo.

      Babbadela mufwuzi, eelyo walo upanga leza kuli zyeezyi.+

      Mpoonya balakotama, inzya, balamukomba.*+

       7 Balamunyamuna leza ooyo amagwezyo aabo;+

      Balamubweza akumubikka mubusena bwakwe, eelyo wiima buyo.

      Tasweni pe kuzwa abusena mpabede.+

      Bantu balamukwiilila, pele walo tabavwiili pe;

      Takonzyi kuvwuna muntu uuli woonse kumapenzi.+