LAIBBULALI YAA INTANETI ya Watchower

LAIBBULALI YAA INTANETI ya Watchower

LAIBBULALI YAA INTANETI

Intembauzyo 22:27

Bbaibbele lya Busanduluzi Bwanyika Mpya
- 27 Imagolelo aanyika oonse ayooyeeya akusandukila kuli Jehova.
  
  Mikwasyi yoonse yamasi iyoovwuntama ansi kumbele lyako.+

Isaya 2:2, 3

Bbaibbele lya Busanduluzi Bwanyika Mpya
- 2 Kumamanino aamazuba aayo,*
  Cilundu caŋanda ya Jehova
  Ciyakwiimikwa nji kwiindilila atala eeni aamalundu,+
  Alimwi ciyoosumpulwa kwiinda tulundu-lundu toonse,
  Eelyo masi oonse ayoowuumukila kulincico.+
  
  3 Alimwi bantu bamisyobo minji bayakweenda akwaamba kuti:
  
  “Amuboole, atweende tutante cilundu ca Jehova,
  Kuŋanda ya Leza wa Jakobo.+
  
  Walo uyootuyiisya nzila zyakwe,
  Eelyo tuyakweenda munzila zyakwe.”+
  
  Nkaambo mu Ziyoni muyoozwa mulawo,*
  Amwalo mu Jerusalemu muyoozwa jwi lya Jehova.+

Isaya 11:10

Bbaibbele lya Busanduluzi Bwanyika Mpya
- 10 Mubuzuba oobo muyanda wa Jese+ uyakwiimikila mbuli cikwankwani* kumisyobo yabantu.+
  
  Bantu bamasi bayoosandukila kulinguwe kuti abasololele,*+
  Alimwi busena bwakwe bwakulyookezyela buyooba abulemu.

Isaya 55:5

Bbaibbele lya Busanduluzi Bwanyika Mpya
- 5 Bona! Yebo uyakwiita cisi ncotazyi,
  Alimwi aabo bamucisi eeco ibatakuzyi bayookubalikila
  Akaambo ka Jehova Leza wako,+ Uusalala wa Israyeli,
  Nkaambo walo uyookupa kuti ulemekwe.+

Isaya 60:3

Bbaibbele lya Busanduluzi Bwanyika Mpya
- 3 Zisi ziyooboola kumumuni wako+
  Abami+ bayooboola kubulemu bwako bumweka.*+

Hosea 1:10

Bbaibbele lya Busanduluzi Bwanyika Mpya
- 10 “Nokuba boobo, mweelwe wabana Israyeli uyooba mbuli musenga wakulwizi uutakonzyi kupimwa naa kubalwa.+ Alimwi mubusena oobo mobakali kwaambilwa kuti, ‘Nywebo tamuli bantu bangu,’+ bayakwaambilwa kuti, ‘Nywebo muli bana ba Leza muumi.’+

Mika 4:2

Bbaibbele lya Busanduluzi Bwanyika Mpya
- 2 Alimwi masi manji ayakweenda akwaamba kuti:
  
  “Amuboole, atweende tutante cilundu ca Jehova
  Akuŋanda ya Leza wa Jakobo.+
  
  Walo uyootuyiisya nzila zyakwe,
  Eelyo tuyakweenda munzila zyakwe.”
  
  Nkaambo mu Ziyoni muyoozwa mulawo,*
  Amwalo mu Jerusalemu muyoozwa jwi lya Jehova.

Hagai 2:7

Bbaibbele lya Busanduluzi Bwanyika Mpya
- 7 “‘Ndiyoozungaanya zisi zyoonse, eelyo zintu ziyandisi zyazisi zyoonse ziyooboola akunjila mukati;+ aboobo ndiyoozuzya ŋanda eeyi abulemu,’+ mbwaamba Jehova wamakamu.