LAIBBULALI YAA INTANETI ya Watchower

LAIBBULALI YAA INTANETI ya Watchower

LAIBBULALI YAA INTANETI

Deuteronomo 11:14

Bbaibbele lya Busanduluzi Bwanyika Mpya
- 14 ndiyoomuwisizya mvwula aciindi ceelede, mvwula yakumatalikilo ayakumamanino, alimwi muyootebula maila aanu akuba awaini mupya alimwi amafwuta.+

Jeremiya 14:22

Bbaibbele lya Busanduluzi Bwanyika Mpya
- 22 Sena akati kamituni yabuyo yamasi kuli mutuni nuuba omwe uukonzya kuleta mvwula,
  Naaba majulu, sena alakonzya kulosya mvwula alikke?
  
  Sena toli nduwe olikke, O Jehova Leza wesu?+
  
  Swebo tulangila nduwe,
  Nkaambo yebo olikke nduwe wacita zintu eezyi zyoonse.

Jeremiya 51:16

Bbaibbele lya Busanduluzi Bwanyika Mpya
- 16 Ciindi napa kuti jwi lyakwe limvwugwe,
  Maanzi alavwuuma kujulu,
  Alimwi upa kuti makumbi* aunke mujulu kuzwa kumagolelo aanyika.
  
  Upa kuti tulabo tumweke noiwa mvwula,*
  Alimwi upa kuti muwo wuunge kuzwa muziyobwedo zyakwe.+

Ezekieli 34:26

Bbaibbele lya Busanduluzi Bwanyika Mpya
- 26 Zyalo alimwi abusena buzingulukide kalundu kangu ndiyoozipa kuba cileleko,+ alimwi ndiyoowisya mvwula aciindi ceelede. Zileleko ziyooloka mbubonya mbuli mvwula.+

Joeli 2:23

Bbaibbele lya Busanduluzi Bwanyika Mpya
- 23 Nywebo nobana bamu Ziyoni, amukondwe akusekelela muli Jehova Leza wanu;+
  Nkaambo uyoomupa mvwula yakusaanguna yeelede,
  Alimwi uyoomuwisyila mvwula yamucobocobo,
  Imvwula yakusaanguna amvwula yakumamanino, mbubonya mbuli kaindi.+