15 Lino kufwumbwa ciindi nokwakali kuba Pobwe Lyakwiindilila, mweendelezi wakajisi cilengwa cakwaangununa mwaange omwe kunkamu yabantu, kufwumbwa ngobayanda.+ 16 Lino kuciindi eeco bakajisi mwaange wakali ampuwo mbyaabi kapati uutegwa Baraba. 17 Aboobo nobakabungana antoomwe, Pilato wakati kulimbabo: “Ino nguni ngomuyanda kuti ndimwaangunwide, Baraba naa Jesu ooyo wiitwa kuti Kristo?” 18 Nkaambo Pilato wakalizyi kuti bakamwaaba akaambo kamunyono.

39 Kunze lyaboobo, mujisi ciyanza cakuti kandimwaangunwida muntu ciindi ca Pobwe Lyakwiindilila.+ Aboobo sena muyanda kuti ndimwaangunwide Mwami waba Juda?”