28 Jesu wakabaambila kuti: “Ncobeni ndimwaambila kuti, mukulengulula, iciindi Mwanaamuntu aakukkala acuuno cakwe cabwami cabulemu, nywebo nomwanditobela anywebo muyookkala azyuuno zyabwami zili 12, akubeteka misyobo iili 12 ya Israyeli.+ 29 Alimwi kufwumbwa wakasiya maanda naa banabokwabo naa bacizyi naa bausyi naa banyina naa bana naa myuunda akaambo kazina lyangu, uyootambula zintu ziyungizyidwe ziindi zili 100 alimwi akukona buumi butamani.+

29 Jesu wakati: “Ncobeni ndimwaambila kuti, kunyina wakasiya ŋanda naa banabokwabo naa bacizyi bakwe naa banyina naa bausyi naa bana bakwe naa myuunda akaambo kandime alimwi akaambo kamakani mabotu+ 30 uutakajani zintu ziyungizyidwe ziindi zili 100 muciindi cino—nkokuti maanda, banabokwabo, bacizyi, bamamama, bana alimwi amyuunda antoomwe akupenzyegwa+—eelyo mubweende bwazintu buboola,* ibuumi butamani.