• Deuteronomo 12:5, 6
    Bbaibbele lya Busanduluzi Bwanyika Mpya

    • 5 Muciindi caboobo amuunke akuyandaula Jehova Leza wanu kubusena buli boonse mbwayoosala kuti abikke zina lyakwe akubusena nkwayookkala akati kamisyobo yanu yoonse.+ 6 Kubusena oobo nkonkuko nkomweelede kuleta zituuzyo zyanu zyuumpwa,+ zipaizyo zyanu, zipaanzi zyanu zyakkumi,+ zyakusanga zyanu,+ zituuzyo zyanu zyacikonke, zituuzyo zyanu zyakuliyandila+ abana bataanzi baŋombe zyanu, bambelele zyanu abampongo zyanu.+

  • 1 Bami 9:3
    Bbaibbele lya Busanduluzi Bwanyika Mpya

    • 3 Eelyo Jehova wakamwaambila kuti: “Ndaumvwa mupailo wako akulomba kwako kwakuti ndikufwide luzyalo. Ndaisalazya ŋanda eeyi njooyaka kwiinda mukubikka zina lyangu alinjiyo kukabe kutamani,+ alimwi meso aangu amoyo wangu zinooli alinjiyo lyoonse.+

  • Intembauzyo 122:katwe kamakani-9
    Bbaibbele lya Busanduluzi Bwanyika Mpya

    • Lwiimbo lwa Basikutanta. Intembauzyo ya Davida.

      122 Ndakakondwa nibakandaambila kuti:

      Atweende kuŋanda ya Jehova.”+

       2 Lino maulu eesu aliimvwi

      Mumilyango yako, O Jerusalemu.+

       3 Jerusalemu uliyakidwe mbuli munzi

      Uliswaanganizyidwe koonse-koonse.+

       4 Misyobo yaunka nkuko,

      Misyobo ya Ja,*

      Kweelana aciyeekezyo kuli Israyeli

      Kutegwa balumbe zina lya Jehova.+

       5 Nkaambo ooko nkozyakabikkwa zyuuno zyabwami zyakubetekela,+

      Zyuuno zyabwami zyaŋanda ya Davida.+

       6 Amulombe kuti kube luumuno mu Jerusalemu.+

      Aabo bakuyanda, yebo omunzi, banookwabilidwe.

       7 Luumuno aluzumanane mukati kamalambo aako,*

      Kuliiba mukati kangazi zyako zikwabilidwe.

       8 Akaambo kabakwesu abeenzuma ndilaamba kuti:

      “Akube luumuno mukati kako.”

       9 Akaambo kaŋanda ya Jehova Leza wesu,+

      Ndilakuyandawida bubotu.