36 Mbubonya mbokulembedwe kuti: “Akaambo kanduwe tuli muntenda yakujaigwa buzuba boonse; tubonwa mbuli mbelele ziyakukujaigwa.”+

23 Sena mbabelesi ba Kristo? Ndiingula mbuli muntu uusondokede, kuti mebo ndabainda: ndacita milimo minji,+ ndaangwa muntolongo ziindi zinji,+ ndaumwa zyuumo zitabaliki, alimwi ndaba muntenda zyalufwu zinji.+ 24 Ziindi zyosanwe ba Juda bakanduuma zimboko zili 39,+ 25 ziindi zyotatwe ndakaumwa amisako,+ ciindi comwe ndakapwaigwa mabwe,+ ziindi zyotatwe bwato mbondakatantide bwakanyonyooka,+ ciindi cimwi ndakali mukati kalwizi syikati amasiku; 26 ndakali munyendo kanji-kanji, muntenda zyamumilonga, muntenda kuzigwebenga, muntenda kubantu bamusyobo wangu,+ muntenda kubantu bamasi,+ muntenda mumunzi,+ muntenda munkanda, muntenda mulwizi, muntenda akati kabakwesu babeji, 27 mukubeleka milimo iikatazya alimwi iiminya, mukutoona masiku kanji-kanji,+ mukufwa nzala anyota,+ mukubula cakulya ziindi zinji,+ mukufwa mpeyo amukubula zisani.*