13 “Ndakazumanana kulangilila muzilengaano zyamasiku, eelyo ndakabona umwi uuli mbuli mwanaamuntu+ kaboola amakumbi aakujulu; wakazumizyigwa kusika kuli Sinsiku,+ alimwi bakamuleta afwaafwi kumbele lyakwe. 14 Mpoonya wakapegwa bweendelezi,+ bulemu,+ alimwi abwami, kuti bantu boonse, zisi zyoonse alimwi abantu bamyaambo yoonse bamubelekele.+ Bweendelezi bwakwe mbweendelezi bwalyoonse alyoonse oobo ibutakamani, abwalo bwami bwakwe mbwami butakanyonyoonwi.+

32 Ooyu unooli mupati+ alimwi uyootegwa Mwana wa Mupatikampatila,+ alimwi Jehova* Leza uyoomupa cuuno cabwami ca Davida usyi,+ 33 eelyo unooli Mwami uuyoolela muŋanda ya Jakobo kukabe kutamani, alimwi Bwami bwakwe tabukamani.”+

28 “Nokuba boobo, nywebo ndinywe mwakakatila kulindime+ mumapenzi aangu;+ 29 aboobo ndibamba cizuminano cabwami andinywe mbubonya Taata mbwaabamba cizuminano andime,+

11 Mubwini, munzila eeyi muyoopegwa coolwe cipati cakunjila mu Bwami butamani bwa Mwami+ a Mufwutuli wesu Jesu Kristo.+