Intembauzyo

26 Kondibeteka, O Jehova, nkaambo mebo ndeenda kanditakwe kampenda;+

Ndisyoma Jehova cakutazungaana.+

 2 Kondilingula, O Jehova, alimwi kondisunka;

Kosalazya mizeezo yangu iili mukati mwini* alimwi amoyo wangu.+

 3 Nkaambo luyando lwako lutamani luli kumbele lyangu lyoonse,

Alimwi ndeenda mukasimpe kako.+

 4 Tandiyanzani* abantu bampelenge,+

Alimwi ndilabatantamuka basikuupaupa ameso.

 5 Ndiliisulide nkamu yabasimucita zibi,+

Alimwi ndilakaka kuyanzana abantu babi.+

 6 Ndiyoosamba kumaanza kutondezya kuti ndinyina mulandu,

Alimwi ndiyakweenda kuzinguluka cipaililo cako, O Jehova,

 7 Kutegwa jwi lyakulumba kwangu limvwugwe+

Akwaambilizya milimo yako yoonse iigambya.

 8 Jehova, ndilaiyanda kapati ŋanda mokkala,+

Ibusena mukkala bulemu bwako.+

 9 Utandijayi antoomwe abasizibi+

Naa kutola buumi bwangu antoomwe azigwebenga,*

10 Aabo bajisi maanza aacita milimo iisesemya,

Alimwi ibajisi janza lyalulyo lizwide makulo.

12 Maulu aangu aimvwi anyika iiyalene;+

Mumbungano mpati, ndiyootembaula Jehova.+