Bahebrayo
2 Nkakaambo kaako cilayandika kuti tubikkile maano kapati kuzintu nzyotwamvwa+ kutegwa tutaunkilili akusweeka.+ 2 Nkaambo ikuti naa jwi ilyakaambwa kwiinda mubangelo+ lyakasyomeka, akuti cisubulo cakapegwa mubululami kujatikizya kusotoka mulawo kuli koonse alimwi akutaswiilila,+ 3 ino tuyoofwutuka buti swebo ikuti katutabikkili maano kulufwutuko lutalikomeneni boobu?+ Nkaambo lwakasaanguna kwaambwa a Mwami wesu+ alimwi lwakasinizyigwa kulindiswe abaabo ibakamumvwa, 4 eelyo Leza awalo wakatola lubazu mukupa bumboni kwiinda muzitondezyo azintu zigambya amilimo mipati yiindene-indene+ alimwi akwiinda mumuuya uusalala waabilwa kweelana amakanze aakwe.+
5 Nkaambo tabali bangelo pe mbaakapa kweendelezya nyika njotwaamba eeyo iiboola.+ 6 Pele aciindi cimwi kamboni umwi wakaamba kuti: “Ino muntu ninzi ooyo ngobikkila maano, naa mwanaamuntu ooyo ngolanganya?+ 7 Wakamucesya aniini kwiinda bangelo; wakamusamika musini wabulemu abwami, alimwi akumubikka kulanganya milimo yamaanza aako. 8 Zintu zyoonse wakazibombya kunsi aamaulu aakwe.”+ Kwiinda mukubombya zintu zyoonse kulinguwe,+ Leza tanaakasiya cintu cili coonse citalibombyi kulinguwe.+ Pele lino, tatunabona zintu zyoonse kazilibombya kulinguwe.+ 9 Nokuba boobo tulimubwene Jesu, ooyo wakacesyegwa aniini kwiinda bangelo,+ lino usamide musini wabulemu abwami akaambo kakupenga kusikila kulufwu,+ kutegwa kwiinda muluzyalo lwa Leza afwide muntu uuli woonse.+
10 Nkaambo cakali kweelela kuti ooyo zintu zyoonse ngozyakabeda alimwi uupa kuti zintu zyoonse kaziliko kwiinda mulinguwe, mukuleta bana banji kubulemu,+ ape Musololi Mupati walufwutuko+ lwabo kulondoka kwiinda mumapenzi.+ 11 Nkaambo ooyo uusalazya alimwi abaabo ibasalazyigwa+ boonse bazwa kumuntu omwe,+ eelyo akaambo kakaambo aaka tafwi nsoni pe kubaita kuti bakwesu,+ 12 mbubonya mbwaamba kuti: “Ndiyakwaambilizya zina lyako kubakwesu; akati kambungano ndiyookutembaula munyimbo.”+ 13 Alimwi waamba kuti: “Mebo ndiyoomusyoma.”+ Kunze lyaboobo waamba kuti: “Bona! Mebo alimwi abana basyoonto, aabo Jehova* mbaakandipa.”+
14 Aboobo, mbwaanga “bana basyoonto” aabo bali abulowa alimwi amubili wanyama, awalo mbubonya wakaba azintu eezyi+ kutegwa kwiinda mulufwu lwakwe akonzye kumunyonyoona ooyo uujisi nguzu zyakuleta lufwu,+ nkokuti, Diabolosi,+ 15 akuti abaangunune boonse aabo ibakali mubuzike mubuumi bwabo boonse akaambo kakuyoowa lufwu.+ 16 Nkaambo mubwini tagwasyi bangelo pe, pele ugwasya lunyungu lwa Abrahamu.+ 17 Aboobo, wakaleelede kuba mbuli “banabokwabo” mumbazu zyoonse,+ ikutegwa abe mupaizi mupati uulaaluse alimwi uusyomeka kuzintu zya Leza, kutegwa atuule cipaizyo cakumanya zibi+ zyabantu akubayanzanya a Leza.+ 18 Mbwaanga walo wakapenga naakali kusunkwa,+ ncobeni ulakonzya kubagwasya aabo ibasunkwa.+