Zekariya
9 Ngaaya makani mapati:
“Ijwi lya Jehova ligeme cisi ca Hadraki,
Alimwi ligeme munzi wa Damasiko*+
—Nkaambo meso aa Jehova alangide bantu+
Amisyobo yoonse ya Israyeli—
2 Ligeme Hamati,+ uubambene anguwo,
3 Turo wakaliyakila bwaanda bwakulikwabilizya.*
Wakalundika nsiliva mbuli bulongo
Alimwi angolida mbubonya mbuli lusuko lwamunzila.+
4 Amubone! Jehova uyoomunyanga zintu nzyajisi,
Alimwi uyoojaya mpi yakwe yabasikalumamba mulwizi;+
Mpoonya uyakuumpwa cakumaninina amulilo.+
5 Asikeloni uyoobona akuyoowa;
Gaza uyooba mumacise aataambiki,
Awalo Ekroni, akaambo kakuti ooyo ngwaakali kusyoma uyakuusyigwa nsoni.
Mwami uyoofwa ku Gaza,
Alimwi Asikeloni takakkalwi bantu pe.+
7 Ndiyoogwisya zintu zijisi bulowa mukanwa lyakwe
Azintu zisesemya zili mumeno aakwe,
Mpoonya uyoosiigwa kuti abe wa Leza wesu;
Eelyo uyooba mbuli silutwe mucisi ca Juda,+
Alimwi Ekroni uyooba mbuli muna Jebusi.+
8 Ndiyoosimpa tente lyangu anze kuti ndilinde ŋanda yangu,+
Kutegwa kutakabi muntu wiinda naa uupiluka;
Aboobo takukaindi limbi kapitawu,*+
Nkaambo lino ndalibonena ameso aangu bukkale bwabo.*
9 Kokondwa kapati, yebo omwana musimbi wa Ziyoni.
Koongolola cakukondwa, yebo omwana musimbi wa Jerusalemu.
Bona! Mwami wako ulaboola kulinduwe.+
Uliluleme, uleta lufwutuko,*
Ulalicesya,+ alimwi utantide ambongolo,*
Amwana wambongolo, inzya, imwana wambongolo nzyazi.+
10 Ndiyoonyonyoona nkalaki yankondo ku Efraimu
Alimwi abbiza ku Jerusalemu.
Buta bwankondo buyoonyonyoonwa.
Mpoonya uyakwaambilizya luumuno kuzisi;+
Uyakweendelezya kuzwa kulwizi lumwi kusikila kulwizi lumbi
11 Lino yebo omukaintu, kwiinda mubulowa bwacizuminano cako,
Ndiyoobagwisya baange bako mucilindi imutakwe maanzi.+
12 Amupilukile kumatijilo, nywebo nobaange ibajisi bulangizi.+
Sunu ndikwaambila kuti,
‘Yebo omukaintu, ndiyookulumbula zyaabilo zyobilo.+
13 Nkaambo ndiyakoongomeka* Juda mbuli buta bwangu.
Ndiyoobikka Efraimu mubuta,*
Alimwi ndiyoobusya bana bako, yebo O Ziyoni,
Kuti balwane bana bako, yebo O Girisi,
Alimwi yebo O Ziyoni ndiyookupa kuba mbuli panga lyasikalumamba.’
14 Jehova uyoolibonya akati kabo,
Amuvwi wakwe uyakuuluka mbuli lulabo.
Mwami Singuzuzyoonse Jehova uyoolizya mweembo,+
Alimwi uyakuunka amaguwo aakumusanza.
15 Jehova wamakamu uyoobakwabilila,
Eelyo bayoonyonyoona akuzunda baabo babalwana amabwe aamunkwisyo.+
Bayoonywa akuyobeka mbuli kuti banywa waini;
Eelyo bayoozuzyigwa mbubonya mbuli mutiba,
Mbuli makkona aacipaililo.+
16 Jehova Leza wabo uyoobafwutula mubuzuba oobo
Kabali butanga bwabantu bakwe;+
Nkaambo bayoomweka atala aanyika yakwe mbuli mabwe mayandisi aasakatizya musini.+
17 Nkaambo mbupati akaka ibubotu bwakwe,+
Abwalo bweebesi bwakwe mbupati kaka!
Maila ngaayoopa kuti balombwana babote,
Awaini mupya nguuyoopa kuti banakalindu beebeke.”+