Jona
3 Mpoonya ijwi lya Jehova lyakamusikila Jona ciindi cabili, kaliti:+ 2 “Nyamuka, koya ku Nineve+ imunzi mupati, ukaambilizye kulinguwo mulumbe ngondikwaambila.”
3 Jona wakaswiilila jwi lya Jehova,+ aboobo wakanyamuka akuunka ku Nineve.+ Lino Nineve wakali munzi mupati kapati*—wakali kweendwa mazuba otatwe. 4 Mpoonya Jona wakanjila mumunzi, wakeenda musinzo wabuzuba bomwe, eelyo wakali kuyaabwaambilizya kuti: “Kwainda buyo mazuba aali 40, Nineve uyoonyonyoonwa.”
5 Lino bantu bamu Nineve bakamusyoma Leza,+ aboobo bakaambilizya kuti kube kuliimya kulya alimwi akusama zisani zyamasaka, kuzwa kumupati kusikila kumuniini akati kabo. 6 Imulumbe niwakasika kumwami wa Nineve, wakanyamuka kuzwa acuuno cakwe cabwami akusamununa cisani cakwe cabwami mpoonya wakasama cisani camasaka akukkala mumulota. 7 Kuyungizya waawo, wakaambilizya mu Nineve moonse kuti,
“Kwiinda mumulawo wamwami abalupati-pati bakwe: Kunyina muntu naa munyama, butanga bwaŋombe naa bwambelele, weelede kulya cintu cili coonse. Kunyina weelede kulya cakulya nokuba kunywa maanzi pe. 8 Muciindi caboobo beelede kusama zisani zyamasaka, boonse buyo, ibantu abanyama; alimwi beelede kukwiilila Leza camoyo woonse akuleka nzila zyabo zibi alimwi abubi mbobacita. 9 Ino nguni uuzyi, ambweni Leza mwini-mwini inga wacinca mizeezo* kujatikizya ncayanda kucita akuleka bukali bwakwe bupati, ikutegwa tutalobi.”
10 Lino Leza mwini-mwini naakabona ncobakacita, mbobakaleka nzila zyabo zibi,+ wakacinca mizeezo* kujatikizya mapenzi ngaakaambide kuti ulabaletela, aboobo tanaakaaleta pe.+