Ciyubunuzyo
8 Lino naakanamatula+ cinamatizyo caciloba,+ kujulu kwakaumuna wi kwaciindi citandila kucisela cawoola. 2 Mpoonya ndakabona bangelo bali ciloba+ ibaima kumbele lya Leza, alimwi bakapegwa myeembo iili ciloba.
3 Mpoonya mungelo umbi iwakajisi citentelo catununkilizyo cangolida wakasika akwiima kucipaililo,+ eelyo wakapegwa tununkilizyo+ tunji kapati kuti atutuule antoomwe amipailo yabasalali boonse acipaililo cangolida+ cakali kumbele lyacuuno cabwami. 4 Mpoonya busi bwatununkilizyo bwakasuka kuya mujulu kuzwa mujanza lyamungelo antoomwe amipailo+ yabasalali kumbele lya Leza. 5 Pele ndilyonya eelyo imungelo ooyo wakabweza citentelo catununkilizyo, wakacizuzya mulilo umwi wakucipaililo akuciwaala anyika. Mpoonya kwakaba mizumo, imajwi, ndabo+ alimwi akuzungaana kwanyika. 6 Mpoonya bangelo aabo bali ciloba ibakajisi myeembo iili ciloba+ bakalibambila kuti bailizye.
7 Lino wakusaanguna wakalizya mweembo wakwe. Mpoonya kwakaba civwulamabwe amulilo zivwelene abulowa, eelyo zyakawaalwa anyika;+ mpoonya cibeela catatu canyika cakapya, acibeela catatu camasamu cakapya alimwi azimena ansi zyoonse zyamubala wanyanzabili zyakapya.+
8 Imungelo wabili wakalizya mweembo wakwe. Mpoonya cintu cimwi cilibonya mbuli cilundu cipati ciyaka mulilo cakawaalwa mulwizi.+ Eelyo cibeela catatu calwizi cakaba bulowa;+ 9 alimwi cibeela catatu cazilenge zyuumi zili mulwizi zyakafwa,+ alimwi cibeela catatu camato cakanyonyooka.
10 Imungelo watatu wakalizya mweembo wakwe. Mpoonya inyenyeezi mpati iiyaka mbuli lambe yakaloka kuzwa kujulu akuwida acibeela catatu camilonga alimwi amutusensa twamaanzi.+ 11 Izina lyanyenyeezi eeyo ngu Mululwe. Eelyo cibeela catatu camaanzi cakasanduka kuba mululwe, alimwi bantu banji bakafwa kumaanzi aayo, nkaambo akacitwa kuti alule lu.+
12 Imungelo wane wakalizya mweembo wakwe. Mpoonya cibeela catatu cazuba, camwezi alimwi acanyenyeezi zyakaumwa,+ ikutegwa cibeela catatu cazyeezyi cisiye mbi+ alimwi akuti cibeela catatu cabuzuba alimwi acabusiku citabi amumuni.
13 Mpoonya ndakabona akumvwa sikwaze wakali kuuluka mumulengalenga kaamba ajwi pati kuti: “Maawe, maawe,+ maawe kuli baabo bakkala anyika akaambo kakulila kwasyaala kwamyeembo yabangelo botatwe ibalaafwaafwi kulizya myeembo yabo!”+