Babetesi
1 Naakafwa Joshua,+ bana Israyeli bakabuzya Jehova kuti:+ “Ino nguni akati kesu uutiisaangune kuunka kuyoolwana bana Kanana?” 2 Jehova wakaingula kuti: “Musyobo wa Juda nguutiisaangune.+ Nyika ndilaipa mumaanza aabo.” 3 Aboobo musyobo wa Juda wakaambila banabokwabo bamusyobo wa Simeoni kuti: “Atuunke limwi kucaabilo cesu+ kuyoolwana bana Kanana. Mpoonya andiswe tuyakuunka andinywe kucaabilo canu.” Aboobo musyobo wa Simeoni wakaunka ambabo.
4 Lino musyobo wa Juda niwakaunka, Jehova wakaaba bana Kanana abana Perizi mumaanza aabo,+ aboobo bakazunda baalumi bali 10,000 mu Bezeki. 5 Bakamujana Adoni-bezeki mu Bezeki, eelyo bakamulwana nkukonya ooko akuzunda bana Kanana+ abana Perizi.+ 6 Adoni-bezeki naakatija, bakamutandaanya akumujata, eelyo bakamukosola minwe mipati yakumaanza ayakumaulu. 7 Mpoonya Adoni-bezeki wakati: “Kuli bami bali 70 bakakosolwa minwe mipati yakumaanza ayakumaulu ibabwezelela zyakulya munsi lyatebulu lyangu. Aboobo Leza wandicita mbubonya mbondakabacita.” Kuzwa waawo bakamuleta ku Jerusalemu+ ooko nkwaakafwida.
8 Kuyungizya waawo, baalumi bamusyobo wa Juda bakalwana munzi wa Jerusalemu+ akuusaala; akujaya bantu bamumo apanga, eelyo munzi bakawuumpa amulilo. 9 Kumane baalumi bamusyobo wa Juda bakaunka kuyoolwana bana Kanana ibakali kukkala munyika yamalundu, mu Negebi amu Sepela.+ 10 Aboobo musyobo wa Juda wakalwana bana Kanana ibakali kukkala mu Hebroni (kaindi Hebroni wakali kwiitwa kuti Kiriyati-ariba), alimwi bakajaya Sesai, Ahimani a Talimai.+
11 Kuzwa kooko bakaunka kuyoolwana bantu bakali kukkala ku Dibiri.+ (Kaindi Dibiri wakali kwiitwa kuti Kiriyati-seferi.)+ 12 Mpoonya Kalebe+ wakati: “Kufwumbwa mwaalumi uutiisaale Kiriyati-seferi akuuzunda, ndilamupa Akisa mwanaangu kuti abe mukaintu wakwe.”+ 13 Mpoonya Otiniyeli+ mwana wa Kenazi,+ mwanookwabo a Kalebe, wakauzunda. Aboobo wakamupa Akisa mwanaakwe musimbi kuti abe mukaintu wakwe. 14 Lino Akisa naakali kuunka kuŋanda, wakazumanana kukombelezya Otiniyeli kuti alombe muunda kuli bausyi. Mpoonya Akisa wakaseluka ambongolo.* Kumane Kalebe wakamubuzya kuti: “Ino uyanda nzi?” 15 Wakati kulinguwe: “Amundilongezye, nkaambo mwakandipa nyika njumu iili kumusanza;* lino amundipe a Guloti-maimu.”* Aboobo Kalebe wakamupa Guloti Waatala a Guloti Wamunselelo.
16 Alimwi bana bamuna Keni,+ usyizyala Musa,+ bakaboola kuzwa mumunzi wamasamu aamakunka+ antoomwe aba Juda akuunka kunkanda ya Juda iili kumusanza kwa Aradi.+ Mpoonya bakaakukkala abantu bankuko.+ 17 Pele musyobo wa Juda abanabokwabo bamusyobo wa Simeoni bakaunka akuyoojaya bana Kanana ibakali kukkala mu Zefati akunyonyoona munzi ooyo.+ Aboobo munzi ooyu bakawuulika kuti Horima.*+ 18 Mpoonya musyobo wa Juda wakasaala Gaza+ acilawo canguwo, Asikeloni+ acilawo canguwo a Ekroni+ acilawo canguwo. 19 Jehova wakali amusyobo wa Juda, alimwi bakaibweza nyika yamalundu pele bakaalilwa kwaatula bantu bakali kukkala mucibanda, nkaambo bakajisi nkalaki zyankondo zijisi zibulo zibosya zyabutale mumavwili.*+ 20 Kalebe bakamupa Hebroni, mbubonya Musa mbwaakasyomezya,+ eelyo wakaatula bana ba Anaki botatwe.+
21 Pele bana Benjamini tiibakabatanda bana Jebusi ibakali kukkala mu Jerusalemu, aboobo bana Jebusi bacikkala antoomwe abana Benjamini mu Jerusalemu kusikila sunu.+
22 Lino bamuŋanda ya Josefa+ bakainka kuyoolwana Beteli, alimwi Jehova wakali ambabo.+ 23 Eelyo bamuŋanda ya Josefa bakatalika kutwela Beteli (kaindi munzi ooyu wakali kwiitwa kuti Luzi),+ 24 alimwi basikutwela bakabona mwaalumi kazwa mumunzi ooyu. Aboobo bakamwaambila kuti: “Kotutondezya manjililo aamunzi ooyu, eelyo tulakufwida luzyalo.”* 25 Aboobo wakabatondezya manjililo aamunzi, eelyo bakajaya bantu bamumunzi ooyo apanga, pele mwaalumi ooyo amukwasyi wakwe woonse bakabaleka.+ 26 Mwaalumi ooyo wakaunka kunyika yabana Heti akuyooyaka munzi akuwuulika kuti Luzi, eelyo ndezina lyamunzi ooyu kusikila sunu.
27 Bamusyobo wa Manase kunyina nobakaubweza munzi wa Beti-seani aminzi misyoonto* yanguwo, Taanaki+ aminzi misyoonto yanguwo, Dori aminzi misyoonto yanguwo, Ibleamu aminzi misyoonto yanguwo alimwi a Megido aminzi misyoonto yanguwo.+ Bana Kanana bakazumanana kukkala munyika eeyi. 28 Bana Israyeli nobakaba anguzu bakatalika kubelesya bana Kanana cabuzike,+ pele tiibakabaatula cakumaninina.+
29 Abalo bamusyobo wa Efraimu tiibakabatanda bana Kanana ibakali kukkala mu Gezeri. Bana Kanana aaba bakazumanana kukkala akati kabo mu Gezeri.+
30 Bamusyobo wa Zebuloni tiibakabatanda bantu ibakakkede mu Kitroni amu Nahaloli.+ Bana Kanana aaba bakazumanana kukkala akati kabo alimwi bakabacita kuba bazike.+
31 Bamusyobo wa Aseri tiibakabatanda bantu ibakakkede mu Ako, mu Sidoni,+ mu Akalabu, mu Akizibi,+ mu Heliba, mu Afiki+ amu Rehobu.+ 32 Aboobo bana Aseri bakazumanana kukkala akati kabana Kanana ibakali munyika eeyo, nkaambo tiibakabatanda.
33 Bamusyobo wa Nafutali tiibakabatanda bantu bakakkede mu Beti-semesi amu Beti-anati,+ pele bakazumanana kukkala akati kabana Kanana ibakali munyika eeyo.+ Bantu bakakkede mu Beti-semesi amu Beti-anati bakaba bazike babo.
34 Bana Amori bakazumanana kusyaanikizya bamusyobo wa Dani munyika yamalundu, nkaambo tiibakabalekela kuselemukila mucibanda.+ 35 Aboobo bana Amori bakazumanana kukkala mu Cilundu ca Heresi, mu Aijaloni+ amu Saalibimu.+ Pele nguzu* zyamusyobo wa Josefa nozyakavwula,* bakacita bana Amori kuba bazike. 36 Cilawo cabana Amori cakali kutalikila kumatantilo aa Akrabimu+ alimwi aku Sela kuya kumalundu.