Jobu

17 “Muuya wangu wakosokezyegwa, mazuba aangu amana;

Kunamaumbwe kulandilindila.+

 2 Basikufwubaazya bandizinguluka,+

Alimwi meso aangu abwene* buzangi bwabo.

 4 Nkaambo myoyo yabo waisisa busongo;+

Nkakaambo kaako tobasumpuli pe.

 5 Muntu ooyo ulilibambilide kwaabila beenzinyina,

Kakuli meso aabana bakwe abaya.

 6 Wapa kuti bantu kabandifwubaazya,*+

Cakuti bandiswida mate kumeso.+

 7 Meso aangu abaya akaambo kakuusa,+

Alimwi maanza amaulu aangu oonse ali mbuli cinzimweemwe.

 8 Bantu baluleme balacilanga eeci kabagambidwe,

Alimwi muntu uunyina mulandu ulakatazyigwa akaambo kamuntu uutayoowi Leza.*

 9 Muntu uululeme ulakakatila munzila yakwe,+

Alimwi ooyo uujisi maanza aasalala uba anguzu zinji.+

10 Nokuba boobo, nywebo nyoonse amuboole mutalike kukazya alimwi,

Nkaambo tiindajana musongo akati kanu.+

11 Mazuba aangu amana;+

Makanze aangu, inzya nzyondilombozya mumoyo, zyajaigwa.+

12 Baluujisi kusandula masiku kuba syikati,

Balati, ‘Kweelede kuti mumuni ulaafwaafwi nkaambo kwasiya.’

13 Ikuti ndilindile, Cuumbwe* ciyooba ŋanda yangu;+

Ndiyooyala bulo bwangu mumudima.+

16 Buyooselemukila* kumilyango ya Cuumbwe* iibikkidwe mpingizyo,

Eelyo swebo toonse, nkokuti mebo ambubo, twaakuselemukila kubulongo.”+