2 Makani
13 Mumwaka wa 18 wabulelo bwa Mwami Jeroboamu, Abija wakaba mwami wa Juda.+ 2 Wakeendelezya mu Jerusalemu myaka yotatwe. Banyina bakali ba Mikaya*+ mwana wa Urieli waku Gibea.+ Lino kwakaba nkondo akati ka Abija a Jeroboamu.+
3 Aboobo Abija wakaunka kuyoolwana nkondo kajisi basikalumamba bayiisyidwe* kulwana nkondo ibali 400,000.+ Jeroboamu wakalibambila kumulwana kajisi baalumi bayiisyidwe* kulwana nkondo alimwi basinguzu ibali 800,000. 4 Lino Abija wakatanta a Cilundu ca Zemaraimu icili mumalundu aa Efraimu, eelyo wakati: “Kondiswiilila O Jeroboamu andinywe nobana Israyeli nyoonse. 5 Sena tamuzyi kuti Jehova Leza wa Israyeli wakapa Davida abana bakwe+ bwami bwa Israyeli kukabe kutamani+ kwiinda mucizuminano camunyo?*+ 6 Pele Jeroboamu+ mwana wa Nebati, mubelesi wa Solomoni imwana wa Davida wakazangila simalelaakwe.+ 7 Lino baalumi batakwe cakucita, ibaalumi babuyo bakabungana kulinguwe. Mpoonya bakaba anguzu kwiinda Rehoboamu mwana wa Solomoni naakacili mwana alimwi kali muyoofwu, aboobo tanaakali kukonzya kubalwana pe.
8 “Lino nywebo muyeeya kuti inga mwabuzangila bwami bwa Jehova ibuli mumaanza aabana ba Davida akaambo kakuti muli nkamu mpati alimwi mujisi boombe bangolida aabo Jeroboamu mbaakamupangila kuba baleza banu.+ 9 Sena tiimwakabatanda bapaizi ba Jehova,+ ibalunyungu lwa Aroni aba Levi akusala bapaizi banu mbubonya mbobacita bantu bamasi aambi?+ Kufwumbwa wakaboola akuletelezya* mupoho uucili mwana abagutu bali ciloba wakali kukonzya kuba mupaizi wamituni iyatakali baleza. 10 Lino swebo, Jehova ngu Leza wesu+ alimwi tiitwamusiya pe; bapaizi besu ibalunyungu lwa Aroni, balamubelekela Jehova alimwi ba Levi balagwasyilizya mumulimo. 11 Balauntumuna busi bwazituuzyo zyuumpwa kuli Jehova lyoonse mafwumofwumo akumangolezya+ akuumpa tununkilizyo,+ alimwi zinkwa zyakwiilika*+ nkozili atebulu lyangolida iisalalisya, acibikkilo camalambe+ amalambe aaco kutegwa kaayaka lyoonse kumangolezya,+ nkaambo swebo tulaatobela malailile ngaakatupa Jehova Leza wesu; pele nywebo mwakamusiya. 12 Lino amubone! Leza mwini-mwini ulaandiswe, ulatusololela abapaizi bakwe alimwi amyeembo yakutuzyibya kuti tulwane andinywe. Nobaalumi bana Israyeli, mutamulwani Jehova Leza wabamauso pe, nkaambo tamukoozwidilila.”+
13 Pele Jeroboamu wakatuma basikuyubilila kuti bazinguluke akubalwanina kusyule, aboobo basikalumamba bakwe bakali kumbele lya Juda eelyo basikuyubilila bakali kusyule. 14 Lino baalumi ba Juda nobakacebuka, bakajana kuti balwanwa kumbele akusyule. Aboobo bakatalika kukwiilila Jehova+ kumwi bapaizi kabalizya myeembo. 15 Lino ibaalumi ba Juda bakoongolola aloongololo lwankondo, eelyo nibakoongolola boobo Leza mwini-mwini wakazunda Jeroboamu abana Israyeli boonse kubusyu bwa Abija a Juda. 16 Bana Israyeli bakatija kubusyu bwaba Juda, mpoonya Leza wakabaaba mumaanza aabo. 17 Lino Abija abantu bakwe bakabanyonyoona alunyoonyooko lupati, eelyo bakali kuyaabubajaya bana Israyeli cakuti kwakafwa baalumi bayiisyidwe* kulwana nkondo bali 500,000. 18 Aboobo bana Israyeli bakabombesegwa aciindi eeco, pele baalumi ba Juda bakazunda nkaambo bakasyoma* Jehova Leza wabamausyi.+ 19 Abija wakazumanana kutandaanya Jeroboamu akumunyanga minzi yakwe, nkokuti Beteli+ aminzi misyoonto* yanguwo, Jesana aminzi misyoonto yanguwo alimwi a Efraini+ aminzi misyoonto yanguwo. 20 Lino Jeroboamu kunyina naakaba anguzu alimwi mumazuba aa Abija; eelyo Jehova wakamuuma akumujaya.+
21 Pele Abija wakaba anguzu. Mukuya kwaciindi wakakwata bamakaintu bali 14,+ eelyo wakaba abana basankwa bali 22 alimwi abana basimbi bali 16. 22 Lino makani oonse aakaindi aamba zya Abija, nzyaakacita alimwi anzyaakaamba alilembedwe mubbuku* lyamusinsimi Ido.+