Habakuku
Ndinoolangila kuti ndibone nzyatiiambe kwiinda mulindime
Anzyonditiivwiile ndasinswa.
2 Mpoonya Jehova wakandivwiila kuti:
“Kocilemba cilengaano eeci, ucilembe kabotu aazilembelo zyamabwe aapapalete,*+
Kutegwa ooyo uucibala cakupozya acite oobo kakunyina buyumuyumu.*+
3 Nkaambo cilengaano eeci ciyoocitika aciindi caco cibikkidwe,
Alimwi cifwambaanina kumamanino,* eelyo tacikabeji pe.
Nokuba kuti camuka,* kozumanana kucilangila!*+
Nkaambo ziyume zitete ciyoozuzikizyigwa.
Tacikamuki pe!
4 Langa muntu uulisumpula;
Taluleme pe mumoyo wakwe.
Pele mululami uyoopona akaambo kakusyomeka kwakwe.*+
5 Masimpe, akaambo kakuti waini uleena,
Muntu uulisumpula takasiki ambaakani yakwe.
Muntu ooyo mulyato mbubonya mbuli Cuumbwe;*
Uli mbuli lufwu alimwi takonzyi kukkutila pe.
Uluujisi kulibunganizizya masi oonse
Akuliyobolweda bantu bamisyobo yoonse.+
6 Sena aaba boonse tabakaambi kaambyo, cikozyanyo, alimwi amaambilambali kujatikizya nguwe?+
Bayakwaamba kuti:
‘Maawe kuliyooyo uulivwuzizya zintu zitali zyakwe
—Ino eeci cilatola ciindi cilamfwu buti?—
Alimwi maawe kuliyooyo uulivwuzizya zikwelete!
7 Sena aabo ibakukweletesya tabakakubukili cakutayeeyelwa?
Bayoobuka akukuzungaanya calunya,
Cakuti kulimbabo uyooba cintu cakusaala.+
8 Akaambo kakuti yebo wakasaala masi manji,
Bantu basyeede bamisyobo yoonse bayookusaala,+
Akaambo kakuti wakatila bulowa bwabantu
Alimwi akaambo kabugwebenga mbookacita kunyika,
Kuminzi alimwi akuli baabo bakkala mumo.+
9 Maawe kuliyooyo uujanina ŋanda yakwe mpindu mbyaabi,
Kutegwa ayake citeente cakwe mujulu,
Ikutegwa mapenzi atasiki kulinguwe!
10 Yebo wakanza kucitila ŋanda yako cintu cijazya nsoni.
Kwiinda mukunyonyoona bantu banji wabisya akuliletelela omwini.+
11 Nkaambo mubwaanda ibbwe liyoolila,
Mpoonya muciluli isomo liyoolivwiila.
12 Maawe kuliyooyo uuyaka munzi kwiinda mukutila bulowa,
Ayooyo uuyaka dolopo akutalulama!
13 Bona! Sena tali Jehova wamakamu uuyoopa kuti bantu baliminye kubelekela buyo mulilo,
Akuti masi alikatazye kubelekela buyo citako?+
15 Maawe kuliyooyo uupa beenzinyina cakunywa,
Kumwi kakalede alimwi kanyemede, kuti abape kukolwa,
Ikutegwa alange mantanda aabo!
16 Uyoosampuka citanabwenwe muciindi cakuba abulemu.
Ayebo konywa, ubonwe kuti topalwidwe.
Inkapu iili mujanza lya Jehova lyalulyo iyookusikila anduwe,+
Eelyo masampu ayoovwumba bulemu bwako;
17 Nkaambo bugwebenga ibwakacitwa kuli Lebano buyookuvwumba yebo,
Alimwi lunyonyooko ilwakali kuyoosya banyama luyookusikila,
Akaambo kakuti wakatila bulowa bwabantu
Alimwi akaambo kabugwebenga mbookacita kunyika,
Kuminzi, alimwi akuli baabo bakkala mumo.+
18 Ino cikozyanyo cibezedwe cigwasya buti
Eelyo sikucipanga nacibeza?
Ino cikozyanyo cifwulidwe alimwi amwiiyi uuyiisya zyakubeja zigwasya buti,
Nokuba kuti sikucipanga ulacisyoma,
Akupanga baleza babuyo ibataambauli?+
19 Maawe kumuntu waambila cisamu kuti,
“Kosinsimuka!”
Naa kwaambila bbwe litaambauli kuti, “Kobuka! Utuyiisye!”
Amubone! Mutuni uvwumbidwe ngolida ansiliva,+
Alimwi kunyina muya mulinguwo pe.+
20 Pele Jehova uli mutempele lyakwe lisalala.+
Koumuna kumbele lyakwe, onyika yoonse!’”+