Babetesi
5 Mubuzuba oobo Debora+ a Baraki+ mwana wa Abinoamu bakaimba lwiimbo oolu:+
2 “Akaambo kakulekela masusu kuti alampe* mu Israyeli,
Akaambo kakulisungula kwabantu,+
Amutembaule Jehova!
3 Amuswiilile nywebo nobami! Amucenjeke matwi nywebo nobasololi!
Ndilaimbila Jehova.
Ndilaimbila* Jehova,+ Leza wa Israyeli intembauzyo.+
Nookeenda kuzwa mucilawo ca Edomu,
Nyika yakazungaana, akwalo kujulu kwakapoomoka maanzi,
Amakumbi akatila maanzi.
5 Malundu akanyenguluka* kubusyu bwa Jehova,+
Nociba Cilundu ca Sinai cakazwa kubusyu bwa Jehova,+ Leza wa Israyeli.+
6 Mumazuba aa Samagara+ mwana wa Anati,
Mumazuba aa Jaeli,+ kwakanyina bantu munzila;
Bantu bakali kweendela mutuzila twamumabali.
7 Bantu bakkala muminzi bakamana; bakamana mu Israyeli,
Kusikila mebo, nde Debora+ ndasika,
Kusikila ndasika kandili nyina mu Israyeli.+
Tiikwakali kubonwa ntobo noliba panga,
Akati kabantu bali 40,000 mu Israyeli.
Amutembaule Jehova!
10 Nywebo nomutanta ambongolo zitubuluka,
Nywebo nomukkala aminseme iidula,
Anywebo nomweenda munzila,
Amuyeeye makani aaya!
11 Majwi aabasikuteka maanzi akamvwigwa nkobateka maanzi;
Ooko bakali kuluula milimo ya Jehova iiluleme,
Imilimo iiluleme yabantu bakwe bakkala muminzi yamu Israyeli.
Mpoonya bantu ba Jehova bakaunka kumilyango yaminzi.
12 Sinsimuka, sinsimuka, O Debora!+
Sinsimuka, sinsimuka, koimba lwiimbo!+
Nyamuka Baraki!+ Sololela baange bako, omwana wa Abinoamu!
13 Mpoonya aabo bakafwutuka bakaunka kubantu balemekwa;
Bantu ba Jehova bakasika kulindime kuzoolwana basinguzu.
14 Bakazwa kuli Efraimu, aabo ibali mukkuti;*
Balakutobela O Benjamini, akati kabantu bako.
Basilutwe babasikalumamba bakaselemuka kuzwa kuli Makiri,+
Alimwi abaabo bajisi zibelesyo zyamulembi kuzwa kuli Zebuloni.
15 Basilutwe bana Isakara bakali a Debora,
Mbubonya Isakara mbwaakali a Debora, awalo Baraki+ wakali anguwe.
Wakatumwa mucibanda amaulu.+
Akati kamakamu aa Rubeni kwakali kudooneka mumyoyo.
16 Ino wakakkalila nzi akati kamikuli yobilo,
Sena wakali kuyanda kubaswiilila kabalizya mpeta zyambelele?+
Nkaambo makamu aa Rubeni akali kudooneka mumyoyo.
Aseri wakalikkede kaliibide kunkomwe,
Wakalikkede kumbali aazito zyakwe.+
18 Bana Zebuloni mbantu ibakabikka maumi aabo muntenda;*
19 Bami bakaboola akulwana;
Mpoonya bami baku Kanana bakalwana+
Mu Taanaki, kumbali amaanzi aa Megido.+
Tiibakabweza nsiliva pe.+
20 Nyenyeezi zyakalwana kujulu;
Kazili munzila zyazyo zyakalwana Sisera.
Wakalyataula basinguzu, omoyo wangu.
22 Mpoonya mijiti yansumba zyamabbiza yakamvwigwa
Ciindi mabbiza aakwe naakali kujintauka cabukali.+
23 Mungelo wa Jehova wakati: ‘Amumusinganye Merozi,
Inzya, amusinganye bantu bakkala mulinguwe,
Nkaambo tiibakaboola kukugwasya Jehova,
Kukugwasya Jehova antoomwe abasinguzu bakwe.’
24 Jaeli+ ulilongezyedwe kapati kwiinda bamakaintunyina
Muka Heberi+ muna Keni;
Ulilongezyedwe kapati kwiinda bamakaintu bakkala mumatente.
25 Sisera wakalomba maanzi; pele wakamupa mukupa.
Wakamuletela mabisi*+ mumutiba wabwami mubotu kapati.
26 Wakatandabika janza lyakwe akubweza nembe yatente,
Ajanza lyakwe lyalulyo kunsando yabasimilimo.
Eelyo wakakankamina Sisera kumutwe, wamudonkola mutwe,
Alimwi wakapwaya akudonkola mpobe zyakwe.+
27 Wakawa akuyuminina kumaulu aamukaintu;
Wakawa akuyuminina kumaulu aamukaintu;
Aawo mpaakawida akuyuminina, mpampawo mpaakafwida.
28 Banyina Sisera bakalanga awindo,
Bakalanga awindo yatupulo-pulo akwaamba kuti,
‘Ino nkaambo nzi nkalaki yakwe ncoyamuka kuboola?
Ino kujitima kwankalaki zyakwe kwamuka buti?’+
29 Eelyo basimbi bakwe basongo bakali kumwiingula;
Inzya, awalo wakali kulyaambauzya kati,
30 ‘Beelede kuti baabana zisaalo nzyobajana,
Musimbi omwe,* basimbi bobilo* kuli sikalumamba umwi aumwi,
Zisani zyamabala-mabala nzizya Sisera, zisaalo zyamabala-mabala,
Cisani cakuluka camabala-mabala, zisani zyobilo zyakuluka
Zyakusakatizya nsingo zyabasikusaala.’
31 Aboobo basinkondonyoko boonse bafwe+ mbubonya oobo, O Jehova,
Pele aabo bakuyanda babe mbuli zuba nolipasula mubulemu bwalyo.”
Eelyo munyika kwakaba luumuno kwamyaka iili 40.+