1 Makani

24 Lino mboobu balunyungu lwa Aroni mbobakaabanizyigwa munkamu zyabo: Bana ba Aroni bakali ba Nadabu, Abihu,+ Eleazara a Itamara.+ 2 Nokuba boobo Nadabu a Abihu bakafwa usyi kacipona,+ alimwi tiibakazyala bana basankwa pe; pele Eleazara+ a Itamara bakazumanana kubeleka kabali bapaizi. 3 Davida antoomwe a Zadoki+ iwakazwa kubana ba Eleazara, alimwi a Ahimeleki kuzwa kubana ba Itamara, bakabaabanya akubapa milimo. 4 Akaambo kakuti bana ba Eleazara bakajisi basilutwe banji kwiinda bana ba Itamara, bakabaabanya bweelede: Bana ba Eleazara bakajisi basilutwe baziinga zyabamausyi bali 16, eelyo bana ba Itamara bakajisi basilutwe baziinga zyabamausyi bali lusele.

5 Kuyungizya waawo, bakabaabanya kwiinda mukuuma cisolo,+ nkaambo kwakali basilutwe bakubusena busalala abasilutwe ba Leza mwini-mwini ibakazwa kubana ba Eleazara alimwi akubana ba Itamara. 6 Mpoonya Semaya mwana wa Netaneli imulembi umwi waba Levi wakabalemba mazina aabo kubusyu bwamwami, basilutwe, Zadoki mupaizi,+ Ahimeleki+ mwana wa Abiyatara,+ basilutwe baziinga zyabamausyi babapaizi alimwi ababa Levi. Kwakasalwa ciinga comwe kuzwa kuli Eleazara alimwi aciinga comwe kuzwa kuli Itamara.

7 Iwakasaanguna kuwidwa cisolo wakali Jehoyaribu; wabili wakali Jedaya, 8 watatu wakali Harimu, wane wakali Seorimu, 9 wasanu wakali Malikiya, wacisambomwe wakali Mijamini, 10 waciloba wakali Hakozi, walusele wakali Abija,+ 11 wafwuka wakali Jeshua, wa 10 wakali Sekaniya, 12 wa 11 wakali Eliyasibu, wa 12 wakali Jakimu, 13 wa 13 wakali Hupa, wa 14 wakali Jesebeabu, 14 wa 15 wakali Biliga, wa 16 wakali Imeri, 15 wa 17 wakali Heziri, wa 18 wakali Hapizezi, 16 wa 19 wakali Petahiya, wa 20 wakali Jehezikeli, 17 wa 21 wakali Jakini, wa 22 wakali Gamuli, 18 wa 23 wakali Delaya eelyo wa 24 wakali Maaziya.

19 Oobu mbubakali kubeleka mulimo wabo+ ciindi nobakali kuboola muŋanda ya Jehova kweelana amalailile ngobakapegwa kuli Aroni sikale wabo, mbubonya mbwaakamulailila Jehova Leza wa Israyeli.

20 Aaba mbabana ba Levi ibakasyaala: kuzwa kubana ba Amuramu,+ kwakali Subaeli;+ kuzwa kubana ba Subaeli, kwakali Jedeya; 21 alimwi kwakali Rehabiya:+ kuzwa kubana ba Rehabiya, Isiya ngowakali silutwe; 22 kuzwa kubana Izara kwakali Selomoti;+ kuzwa kubana ba Selomoti kwakali Jahati; 23 alimwi bana ba Hebroni mbaaba, Jeriya silutwe,+ wabili Amariya, watatu Jahazieli, wane Jekameamu; 24 kuzwa kubana ba Uzieli kwakali Mika; kuzwa kubana ba Mika kwakali Samiri. 25 Mwanookwabo a Mika wakali Isiya; kuzwa kubana ba Isiya kwakali Zekariya.

26 Bana ba Merari+ bakali ba Mali a Musi; Beno wakali mwana wa Jaziya. 27 Bana ba Merari mbaaba: kuzwa kubana ba Jaziya kwakali Beno, Sohamu, Zakuri a Ibiri; 28 kuzwa kuli Mali kwakali Eleazara ooyo iwatakazyala bana basankwa;+ 29 kuzwa kuli Kisi: mwana wa Kisi wakali Jerameli; 30 alimwi bana ba Musi bakali ba Mali, Ederi a Jerimoti.

Aaba mbabakali bana baba Levi muziinga zyabo zyabamausyi. 31 Alimwi abalo bakauma cisolo+ mbubonya mbobakacita banabokwabo ibana ba Aroni kubusyu bwa Mwami Davida, Zadoki, Ahimeleki abasilutwe baziinga zyabamausyi zyabapaizi alimwi azyaba Levi. Kujatikizya ziinga zyabamausyi, silutwe wakaleelene amusyoonto wakwe.