2 Makani
8 Lino kumamanino aamyaka iili 20 Solomoni njaakatola kuyaka ŋanda ya Jehova aŋanda yakwe,*+ 2 Solomoni wakaiyakulula minzi eeyo Hiramu+ njaakamupa mpoonya wakabikka bana Israyeli* kuti bakkale mulinjiyo. 3 Kumane Solomoni wakaunka kumunzi wa Hamati-zoba akuuzunda. 4 Mpoonya wakayaka* munzi wa Tadimori munkanda aziyobwedo zyamunzi+ zyoonse nzyaakayakide mu Hamati.+ 5 Alimwi wakayakulula Beti-horoni+ Waatala a Beti-horoni+ Wamunselelo, minzi iikwabilidwe bwaanda, milyango, mpingizyo, 6 Baalati+ kubikkilizya aminzi yoonse yaziyobwedo zya Solomoni, minzi yoonse yankalaki,+ minzi yabasimabbiza alimwi kufwumbwa ceeco Solomoni ncaakali kuyanda kuyaka mu Jerusalemu, mu Lebano amunyika yoonse njaakali kweendelezya.
7 Pele bantu boonse ibakasyaala akati kabana Heti, bana Amori, bana Perizi, bana Hivi abana Jebusi,+ ibatakali bana Israyeli,+ 8 nkokuti balunyungu lwabo ibakasyaala mucisi–aabo bana Israyeli mbobatakanyonyoona+–Solomoni wakabalemba cibbalo kusikila sunu.+ 9 Pele kunyina naba omwe wabana Israyeli Solomoni ngwaakacita kuba muzike mumulimo wakwe,+ nkaambo bakali basikalumamba bakwe, basilutwe babalupati-pati bakwe, basilutwe babasinkalaki bakwe alimwi ababasimabbiza bakwe.+ 10 Kwakali basilutwe ba Mwami Solomoni ibali 250 basikubelesya bantu milimo.+
11 Alimwi Solomoni wakagwisya mwana musimbi wa Farao+ mu Munzi wa Davida akumutola kuŋanda njaakamuyakila,+ nkaambo wakati: “Nokuba kuti mukaintu wangu, teelede kukkala muŋanda ya Mwami Davida wa Israyeli, nkaambo masena mpolyakkala Bbokesi lya Jehova alasalala.”+
12 Mpoonya Solomoni wakatuulila Jehova zipaizyo zyuumpwa+ acipaililo+ ca Jehova ncaakayakide kumbele lyakkoce.+ 13 Wakali kutobela cilengwa cabuzuba abuzuba alimwi wakali kutuula zituuzyo kweelana amulawo wa Musa uujatikizya ma Sabata,+ ciindi noukkala mwezi,+ mapobwe aabikkidwe ziindi zyotatwe mumwaka+–Pobwe lya Zinkwa Zitajisi Bumena,+ Pobwe lya Mvwiki+ alimwi a Pobwe lya Zivwuka.+ 14 Kuyungizya waawo, wakasala nkamu zyabapaizi+ mumilimo yabo kweelana amulawo wa Davida usyi, aba Levi mumilimo yabo kuti kabatembaula+ Leza akubeleka lyoonse kumbele lyabapaizi kweelana acilengwa cabuzuba abuzuba alimwi abalindizi bamilyango iindene-indene munkamu zyabo,+ nkaambo ooyu ngowakali mulawo wa Davida, muntu wa Leza mwini-mwini. 15 Alimwi kunyina nibakaleya kumulawo mwami ngwaakapa bapaizi aba Levi kujatikizya makani aali woonse naa kujatikizya ziyobwedo. 16 Aboobo mulimo wa Solomoni woonse wakabelekwa cabulondo,* kuzwa buzuba nokwakabikkwa ntalisyo yaŋanda ya Jehova+ kusikila noyakamana kuyakwa. Eelyo ŋanda ya Jehova yakamana kuyakwa.+
17 Kuzwa waawo Solomoni wakaunka ku Ezioni-geberi+ aku Eloti+ kunkomwe yalwizi munyika ya Edomu.+ 18 Hiramu+ wakatumina Solomoni mato abasimato ibacibwene kwiinda mubabelesi bakwe. Bakaunka ababelesi ba Solomoni ku Ofiri+ akuyoobweza matalenta* aangolida aali 450+ akwaaleta ku Mwami Solomoni.+