Isaya

35 Inkanda alimwi anyika iinyina maanzi ziyoosekelela,+

Acalo cibanda camucimpayuma ciyookondwa akufwulula mbuli maluba-luba aasaferone.+

 2 Masimpe ciyoofwulula;+

Ciyoosekelela akoongolola cakukondwa.

Ciyoopegwa bulemu bwa Lebano,+

Antoomwe abweebesi bwa Karimeli+ abwa Saroni.+

 3 Amuyumye maanza aatakwe nguzu,

Alimwi amuyumye magondo aakankama.+

Amubone! Leza wanu uyooboola kuzoopa cisubulo,

Leza uyooboola kuzoopilusya cibi.+

 5 Aciindi eeco meso aaboofwu ayoojaluka,+

Aalo matwi aabasinkematwi ayoosinkuka.+

 6 Aciindi eeco mulema uyoosotauka mbuli insya,+

Awalo mulaka wasyaataambi uyakoongolola cakukondwa.+

Nkaambo maanzi ayoopoomoka munkanda,

Atulonga tuyookunka mucibanda camucimpayuma.

 7 Nyika njumu nta iipya iyooba amazyiba aajisi matete,

Alimwi nyika njumu iilunda kasuko iyooba atusensa twamaanzi.+

Mumasena mukkala bamwaaba, mobakali kulyookezyela,+

Muyooba mweemvwe, matete alimwi antumbu.

 8 Alimwi kuyooba mugwagwa mupati,+

Inzya, inzila yiitwa kuti Nzila ya Busalali.

Inooli buyo yayooyo weenda munzila eeyo;

Mufwubafwuba kunyina nayooleyela mulinjiyo pe.

 9 Takukabi syuumbwa oomo,

Alimwi banyama bamusyokwe babutambo tabakaindi mulinjiyo pe.

Tabakajaniki oomo pe;+

Balikke buyo aabo bakanununwa mbabayakweenda mulinjiyo.+

Bayoosekelela akukkomana,

Eelyo mause akutongela ziyootija.+