1 Timoteyo

2 Aboobo kusaanguna ndilomba kuti mipailo yakukombelezya, mipailo buyo, mipailo yakulombela bamwi alimwi amipailo yakulumba ipailwe kujatikizya bantu boonse, 2 kujatikizya bami abaabo boonse ibali muzyuuno zyabweendelezi,+ ikutegwa tuzumanane kupona muluumuno akuliiba alimwi akumaninina mukubelekela Leza cakulyaaba akubikkila maano.+ 3 Kucita boobu nkubotu alimwi kulamukkomanisya Leza, Mufwutuli wesu,+ 4 walo uuyanda kuti bantu boonse bafwutulwe+ akuba aluzyibo lwini-lwini lwakasimpe. 5 Nkaambo kuli Leza omwe+ buyo, asimwiimaakati omwe+ akati ka Leza abantu,+ imuntu, Kristo Jesu,+ 6 iwakalyaaba mwini kuba cinunuzyo ceelene cabantu boonse+—eeci nceceelede kucitilwa bumboni aciindi caco ceelede. 7 Akaambo kabumboni oobu+ ndakasalwa kuba mukambausi alimwi imwaapostolo.+ Ndaamba masimpe, nsibeji pe. Wakandisala kuba mwiiyi uuyiisya bamasi+ kujatikizya lusyomo alimwi akasimpe.

8 Aboobo ndiyanda kuti kumasena oonse, baalumi bazumanane kupaila, kutambika maanza aasalala mujulu,+ kakunyina kukalala+ akuzwangana.+ 9 Mbubonya buyo bamakaintu beelede kulisakatizya kwiinda mukusama kabotu, cabulemu alimwi acakulibatamika,* ikutali kwiinda mukoosa masusu munzila zigambya amukusama ngolida, naa ngale naa zisani zidula kapati,+ 10 pele munzila yeelede bamakaintu balyaamba kuti balilyaabide kuli Leza,+ nkokuti kwiinda mukucita milimo mibotu.

11 Mukaintu weelede kwiiya mukaumuumu akulibombya cakumaninina.+ 12 Tandizumizyi mukaintu kuyiisya, naa kweendelezya mwaalumi, pele weelede kuumuna buyo.+ 13 Nkaambo Adamu nguwakasaanguna kulengwa, nokuya kutobele Eva.+ 14 Alimwi Adamu kunyina naakeenwa pe, pele mukaintu wakeenwa cakumaninina+ eelyo wakaba sikusotoka mulawo. 15 Nokuba boobo, mukaintu uyookwabililwa kwiinda mukuzyala bana,+ kufwumbwa buyo kuti wazumanana* mulusyomo amuluyando alimwi akusalala akuyeeya kabotu.+