Intembauzyo

Intembauzyo.

98 Amwiimbile Jehova lwiimbo lupya,+

Nkaambo wacita zintu zibotu kapati.+

Ijanza lyakwe lyalulyo, inzya kuboko kwakwe kusalala, kwaleta lufwutuko.*+

2 Jehova wapa kuti lufwutuko lwakwe luzyibwe;+

Wayubununa bululami bwakwe kumbele lyamasi.+

3 Waibaluka luyando lwakwe lutamani alimwi akusyomeka kwakwe kuŋanda ya Israyeli.+

Imagolelo oonse aanyika alibonena lufwutuko luzwa kuli Leza wesu.*+

4 Nonyika yoonse, amoompolole kuli Jehova akaambo kakuzunda.

Amusekelele, amoongolole cakukondwa alimwi amwiimbe ntembauzyo.+

5 Amwiimbe nyimbo zyakutembaula Jehova akantimbwa,

Amumwiimbile akantimbwa alwiimbo lwamajwi lubotu.

6 Kwiinda mukulizya myeembo alimwi alwija,+

Amoompolole kumbele lya Mwami Jehova, akaambo kakuzunda.

7 Lwizi aluvwuume antoomwe azyoonse izili mulindulo,

Inyika* abaabo bakkala mulinjiyo.

8 Milonga aikambe maanza aanjiyo;

Malundu aaongolole cakukondwa antoomwe+

9 Kumbele lya Jehova, nkaambo ulaboola* kuzoobeteka nyika.

Uyoobeteka nyika* mubululami+

Akubeteka bantu cakululama.+