2 Samuele
22 Lino Davida wakaambila Jehova majwi aaya kwiinda mulwiimbo+ oolu mubuzuba oobo Jehova naakamuvwuna kumaanza aabasinkondonyina+ boonse akujanza lya Saulo.+ 2 Wakati:
“Jehova ngomwala wangu, mampangala aangu+ alimwi ngonguwe uundivwuna.+
3 Leza wangu nindomba yangu,+ oomo mondiyubila,
Nintobo yangu+ alimwi ndwija* lwalufwutuko lwangu,* mayubilo aangu aakwabilidwe,+
Mbusena bwangu bwakutijila,+ mufwutuli wangu;+ ulandivwuna kulupyopyongano.
4 Ndiita Jehova, ooyo weelela kutembaulwa,
Eelyo ndiyoofwutulwa kuli basinkondoma.
7 Mumapenzi aangu ndakaita Jehova,+
Ndakaluujisi kwiita kuli Leza wangu.
Mpoonya kuzwa mutempele lyakwe wakalimvwa ijwi lyangu,
Alimwi kukwiila kwangu kwakuti andigwasye kwakasika kumatwi aakwe.+
8 Nyika yakatalika kutenkaana akuzungaana;+
Intalisyo zyamajulu zyakazuzuma+
Akuzungaana akaambo kakuti wakanyema.+
9 Busi bwakauntumuka mumpemo zyakwe,
Awalo mulilo uumpa cakumaninina wakazwa mukanwa lyakwe;+
Makala aayaka mulilo akayokoloka kulinguwe.
11 Wakatanta kerubi+ akuboola kauluka.
Wakalibonya atala aamababa aacilenge camuuya.*+
12 Mpoonya wakalivwumba mudima mbuli citungu,+
Maanzi aasiya mbi alimwi amakumbi aasiya mbi.
13 Mukumweka ikwakali kumbele lyakwe mwakazwa makala aavwilima mulilo.
14 Mpoonya Jehova wakatalika kuzuma kuzwa kujulu;+
Mupatikampatila wakapa kuti ijwi lyakwe limvwugwe.+
16 Itako lyalwizi lyakalibonya;+
Intalisyo zyanyika zyakaba aatuba akaambo kakukalalilwa a Jehova,
Kwiinda mumuya wanguzu iwakazwa mumpemo zyakwe.+
17 Wakatandabika janza lyakwe kuzwa kujulu;
Wakandijata akundinuna mumaanzi malamfwu.+
18 Wakandivwuna kuli sinkondoma singuzu,+
Kuli baabo bakandisulide, ibakali kundiinda nguzu.
19 Bakandilwana ibuzuba nindakali mumapenzi,+
Pele Jehova nguwakandigwasya.
21 Jehova ulandilumbula kweelana abululami bwangu;+
Ulandijolela kweelana akusalala kwamaanza aangu.+
22 Nkaambo ndazibamba nzila zya Jehova,
Alimwi tiindazanga akusiya Leza wangu.
26 Kumuntu uusyomeka, yebo ulasyomeka;+
Kumuntu singuzu uutakwe kampenda, ayebo tokwe kampenda;+
27 Kumuntu uusalala, yebo ulasalala,+
30 Kwiinda mukugwasyigwa anduwe ndilakonzya kutandaanya zigwebenga zisaala;
Kwiinda munguzu zya Leza ndilakonzya kutanta bwaanda.+
Walo nintobo kuli baabo boonse ibayuba mulinguwe.+
32 Nkaambo sena kuli Leza uumbi kunze lya Jehova?+
Alimwi sena kuli ndomba iimbi kunze lya Leza wesu?+
34 Upa kuti maulu aangu abe mbuli aansya;
Undipa kwiimikila amasena aali mujulu.+
35 Ulayiisya maanza aangu kulwana nkondo;
Maanza aangu alakonzya koongomeka buta bwamukuba.
38 Ndiyoobatandaanya basinkondoma mane ndikabanyonyoone;
Tandikapiluki pe kusikila bakanyonyweedwe limwi.
39 Ndiyoobanyonyoona akubapwayaula cakuti tabakabuki limbi;+
Ndiyoobalyatauka amaulu aangu.
40 Yebo uyoondipa kuba anguzu zyakulwana munkondo;+
Uyoopa kuti basinkondoma baganyuke kunsi aamaulu aangu.+
42 Balakwiila kuti bagwasyigwe, pele kunyina uubafwutula;
Naba Jehova balamukwiilila, pele tabavwiili pe.+
43 Ndiyoobatwa mane bakabe mbuli lusuko;
Ndiyoobapwayaula akubalyatauka mbuli ntimba munzila.
44 Yebo uyoondivwuna kubantu bangu bandijanina mulandu.+
45 Bamuzwamasi bayooboola kabazuzuma kulindime;+
Nzyobamvwa kujatikizya ndime ziyoobapa kuti bandimvwide.*
46 Bamuzwamasi bayoogonkelwa;*
Bayooboola kabakankama kuzwa mumampangala aabo.
47 Jehova muumi! Aitembaulwe Ndomba yangu!+
Aasumpulwe Leza, indomba yalufwutuko lwangu.+
48 Leza mwini-mwini nguubapilusizya cibi basinkondoma;+
Nguubombya bantu kunsi aamaulu aangu;+
49 Nguundivwuna kuli basinkondoma.
50 Nkakaambo kaako ndinookulumba akati kamasi,+ O Jehova,