Intembauzyo

Kumweendelezi wanyimbo. Masikili.* Intembauzyo ya Davida,

ciindi Doegi muna Edomu naakaunka kuyakwaambila Saulo kuti Davida wakalisikide kuŋanda ya Ahimeleki.+

 2 Mulaka wako, uubosya mbuli mbeli,+

Ukanza kuleta mapenzi alimwi waamba zintu zyalweeno.+

 3 Yebo uyandisya zintu zibi kwiinda zibotu,

Kubeja kwiinda kwaamba masimpe. (Sela)

 4 Uyandisya majwi oonse mabi,

Yebo omulaka walweeno!

 5 Nkakaambo kaako Leza uyookukwelela ansi ciindi comwe buyo mane kukabe kutamani;+

Uyookukwempa akukunonkola kuzwa mutente lyako;+

Uyookuzyula munyika yabaumi.+ (Sela)

 6 Balulami bayoobona akuyoowa kapati,+

Alimwi bayoomuseka.+

 7 “Amubone! Ngooyu muntu watakacita Leza kuba mayubilo* aakwe,+

Pele wakasyoma buvwubi bwakwe butalivwulili+

Akusyoma* makanze aakwe mabi.”*

 8 Pele mebo ndinooli mbuli cisamu camaolifa cifwefwema muŋanda ya Leza;

Ndisyoma luyando lwa Leza lutamani+ lyoonse alyoonse mane kukabe kutamani.

 9 Ndinookutembaula lyoonse mane kukabe kutamani nkaambo wabweza ntaamu;+

Kumbele lyabantu bako basyomeka,

Ndinoosyoma zina lyako,+ nkaambo ndibotu.