Intembauzyo

Ndagonkelwa* akaambo kakukuzimba

Munyika njumu alimwi yacimpayuma, oomo mutakwe maanzi.+

 2 Aboobo ndakubona mubusena busalala;

Ndazibona nguzu zyako abulemu bwako.+

 3 Akaambo kakuti luyando lwako lutamani ndubotu kwiinda buumi,+

Milomo yangu ilakulemeka.+

 4 Aboobo ndinookutembaula mubuumi bwangu boonse;

Muzina lyako ndinootambika maanza aangu mujulu.

 5 Ndikkutide caabilo cibotu kapati alimwi cizwide mafwuta,

Aboobo mulomo wangu ulakutembaula alukkomano luli kumilomo yangu.+

 6 Ndilakuyeeya kandili abulo bwangu;

Ziindi zyakulinda masiku ndilazinzibala kukuyeeya.+

 7 Nkaambo yebo uli mugwasyi wangu,+

Aboobo ndiloongolola cakukondwa mucimvwule camababa aako.+

 8 Ndilikakatide kulinduwe;

Ijanza lyako lyalulyo lilindijatilide ciindi coonse.+

 9 Pele aabo basola kunyonyoona buumi bwangu*

Bayakuunka kunsi aanyika.

10 Bayakwaabwa kupanga libosya;

Bayooba cakulya cabamwaaba.

Kufwumbwa muntu uukonka muli Leza uyoosekelela,*

Nkaambo milomo yabaabo baamba zyakubeja iyakuumuzyigwa.