Deuteronomo
33 Lino nceeci cilongezyo Musa muntu wa Leza mwini-mwini ncaakalongezya bana Israyeli katanafwa.+ 2 Wakaamba kuti:
“Jehova–wakaboola kuzwa ku Sinai,+
Alimwi wakamweka alimbabo kuzwa ku Seiri.
Wakamunika mubulemu kuzwa kumalundu aaku Parani,+
Wakali azyuulu-zyuulu zyabasalali,+
Kujanza lyakwe lyalulyo kwakali basikalumamba bakwe.+
5 Leza wakaba mwami mu Jesuruni,*+
Ciindi basilutwe babantu nobakalibunga-bunga,+
Antoomwe amisyobo yoonse yabana Israyeli.+
7 Nceeci cilongezyo ncaakaamba kuli Juda naakati:+
“O Jehova, swiilila jwi lya Juda,+
Komupilusya kubantu bakwe.
8 Kuli Levi wakati:+
Wakatalika kulwana anguwe kumaanzi aaku Meriba,+
9 Muntu iwakaambila bausyi abanyina kuti, ‘Nsikwe makani ambabo.’
Nibaba banabokwabo wakabakaka,+
Alimwi bana bakwe tanaakababikkila maano.
Nkaambo bakazumanana kubikkila maano kumajwi aako,
Alimwi bakabamba cizuminano cako.+
11 O Jehova, kozilongezya nguzu zyakwe,
Alimwi koikkomanina milimo yamaanza aakwe.
Kotyolaula maulu* abaabo bamubukila,
Kutegwa aabo bamusulide batakabuki limbi.”
12 Kuli Benjamini wakati:+
“Imuyandwa wa Jehova aakkale muluumuno afwaafwi anguwe;
Eelyo walo namukwabilila buzuba boonse,
Uyookkala andelo yakwe.”
13 Kuli Josefa wakati:+
“Inyika yakwe ailongezyegwe a Jehova+
Ibe azintu ziyandisi zyakujulu,
Mume alimwi amaanzi aazwa kutusensa tuli kunsi aanyika,+
14 Zintu ziyandisi zuba nzyolipa kuti zimene,
Abutebuzi bubotu mwezi amwezi,+
15 Zintu ziyandisi kapati zizwa kumalundu aakaindi,*+
Alimwi azintu ziyandisi zyakutulundu tutamani,
16 Azintu ziyandisi zyamunyika azyoonse zili mumo,+
Akuzuminwa a Yooyo iwakakkede mucitewo camamvwa.+
Aziboole amutwe wa Josefa,
Atala aamutwe wayooyo iwakanomonwa kuzwa akati kabanabokwabo.+
17 Bulemu bwakwe buli mbuli bwamupoho mutaanzi kuzyalwa,
Alimwi meja aakwe ali mbuli meja aamupoho wamusyokwe.
Uyakwaabelesya kutonka* bantu
Boonse antoomwe kusikila kumagolelo aanyika.
Meja aaya nzyuulu-zyuulu zyamakumi aa Efraimu,+
Alimwi meja aaya nzyuulu-zyuulu zya Manase.”
18 Kuli Zebuloni wakati:+
“Sekelela, O Zebuloni, munyendo zyako zyamakwebo,
Anduwe Isakara, sekelela mumatente aako.+
19 Bayakwiita bantu kuzilundu.
Ooko bayootuula zipaizyo zyabululami.
Nkaambo bayoonyonka buvwubi bunji bwakulwizi
Azintu ziyandisi zisisidwe zyamumusenga.”
20 Kuli Gadi wakati:+
“Ulilongezyedwe ooyo uukomezya minyinza ya Gadi.+
Ulalala ooko mbuli syuumbwa,
Kalibambilide kukwamuna janza, inzya amutwe.
Basilutwe babantu bayoobungana antoomwe.
Uyoobucita bululami bwa Jehova,
Ambeta zyakwe kujatikizya Israyeli.”
22 Kuli Dani wakati:+
“Dani mwana wasyuumbwa.+
Uyoosotoka kuzwa ku Basani.”+
23 Kuli Nafutali wakati:+
“Nafutali wakkutila akukkomaninwa
Alimwi ulizwide cilongezyo ca Jehova.
Kobweza lukono luli kumbo akumusanza.”
24 Kuli Aseri wakati:+
“Aseri ulilongezyedwe kuba abana basankwa.
Abamukkomanine banabokwabo,
Alimwi anyike* maulu aakwe mumafwuta.
25 Minkulwa yamilyango yako iyooba yabutale amukuba,+
Alimwi unookwabilidwe mazuba oonse aabuumi bwako.
26 Taakwe uumbi uuli mbuli Leza mwini-mwini+ wa Jesuruni,+
Ooyo uuboola kuzwa kujulu kutegwa akugwasye
Alimwi uutantide atala aamakumbi mubulemu bwakwe.+
28 Israyeli uyookkala cakuliiba,
Kasensa ka Jakobo kayookkala kalikke
Munyika yamaila awaini mupya,+
Majulu aakwe ayoowisya mume.+
29 Ulikkomene, O Israyeli!+
Ino nguni uuli mbuli nduwe,+
Yebo ookkomene kuvwunwa a Jehova,+
Intobo yalukwabililo lwako,+
Apanga lyako lipati?
Basinkondonyoko bayoolibombya kulinduwe,+
Alimwi uyoobalyataula amisana yabo.”