Tusimpi

 2 Ino ndikwaambile nzi, mwanaangu,

Ndikwaambile nzi mwanaangu yebo ookazwa mwida lyangu,

Inzya buya, ino ndikwaambile nzi yebo omwana wazikonke zyangu?+

 3 Utamanini nguzu zyako kuli bamakaintu,+

Nokuba kutobela nzila zinyonyoona bami.+

 4 Taceeleli kubami pe, akaka Lemueli,

Ncobeni taceeleli kubami pe kunywa waini

Nokuba kubaleli ikwaamba kuti, “Ino buli kuli bukoko bwangu?”+

 5 Kutegwa batanywi akuluba mulawo uubikkidwe

Alimwi akusinkilila bantu bapengede kuti batacitilwi nzyobeelede.

 6 Amubape bukoko aabo balaafwaafwi kufwa+

Alimwi amubape waini aabo bapengede mumoyo.*+

 7 Abanywe kuti balube bucete bwabo;

Bataayeeyi limbi mapenzi aabo.

 8 Kobaambilila aabo batakonzyi kwaambaula;

Kobaiminina kuti bacitilwe nzyobeelede aabo boonse balaafwaafwi kufwa.+

 9 Koambaula, ubeteke cabululami;

Bantu bapengede alimwi abacete kobaiminina kuti bacitilwe nzyobeelede.*+

11 Mulumaakwe ulamusyoma amoyo woonse,

Alimwi kunyina cintu cibotu ncabulide mulinguwe.

12 Mazuba oonse aabuumi bwakwe mukaintu ooyu

Ucitila mulumaakwe zintu zibotu kutali zibi.

13 Ulalijanina boya bwambelele amilembo miteteete;

Ulakkomana kubeleka amaanza aakwe.+

14 Uli mbuli mato aasimakwebo,+

Ulaleta zyakulya zyakwe kuzwa kulamfwu.

15 Ulabuka kakucisiya,

Akupa bamuŋanda yakwe cakulya

Alimwi akwaabila babelesi bakwe basimbi zyaabilo.+

16 Ulayeeya zyakujana muunda mpoonya ulawuula;

Ulasyanga muunda wamisaansa kubelesya nguzu zyakwe.*

17 Ulalibambila kubeleka canguzu,*+

Alimwi ulayumya maanza aakwe.

18 Ubona kuti makwebo aakwe aleta mpindu;

Lambe lyakwe talizimi pe masiku.

19 Maanza aakwe alajata kasamu kazambailidwe ntali,

Alimwi maanza aakwe alajata kasamu kakusumya.+

20 Ulatambika janza lyakwe kumuntu uupengede,

Alimwi ulavwungulula maanza aakwe kubacete.+

21 Talibiliki kuti bamuŋanda yakwe balaandwa mpeyo akaambo kacaanda,

Nkaambo boonse bamuŋanda yakwe basamide zisani zikasaala.*

23 Mulumaakwe ulizyibidwe kapati kumilyango yamunzi,+

Ooko nkwakkala antoomwe abapati bamucisi.

24 Ulasuma akusambala zisani zyamilembo miteteete*

Alimwi ulasambala ntambo zyakulyaanga mucibuno kuli basimakwebo.

25 Usamide nguzu abulemu,

Alimwi tayoowi ziboola kumbele.*

26 Waambaula cabusongo najalula mulomo wakwe;+

Mulawo waluzyalo* uli amulaka wakwe.

27 Ulalangilila kubona mbozyeenda zintu muŋanda yakwe,

Alimwi talyi cakulya cabutolo.+

28 Bana bakwe balanyamuka akumulumbaizya;

Mulumaakwe awalo ulanyamuka akumutembaula.

29 Kuli bamakaintu banji balomene,*

Pele yebo, inzya yebo ulabainda boonse.

30 Kweebeka kulakonzya kweena, akubota ciwa kulakonzya kumana,*+

Pele mukaintu uuyoowa Jehova ngonguwe uulumbaizyigwa.+

31 Amumupe bulumbu bwazintu nzyacita,*+

Alimwi milimo yakwe aimutembaule kumilyango yamunzi.+