“Ino Mbuti Mbomukonzya Kuyoofwutuka Mamanino Aanyika?”
◼ Ino Bbaibbele lipandulula nzi nolyaamba zyamamanino aanyika naa mamanino aabweende bwazyintu oobu? Sena ninkondo yanyika iikonzya kunyonyoona bantu boonse, naa lyaamba kupwayana kwanyika anyenyeezi? Cikkomanisya ncakuti, Ibbaibbele lyaamba kuti “inkamu impati” yabantu bayoofwutuka mamanino aanyika. (Ciyubunuzyo 7:9, 10, 14) Ino aaba bantu mbaani? Sena mulakonzya kuba akati kabo?
Mibuzyo eeyi iyooingulwa mumakani aabuleya aakuti “Ino Mbuti Mbomukonzya Kuyoofwutuka Mamanino Aanyika?” Makani aaya ayookananwa lyamuswaangano wacooko wa Bakamboni ba Jehova uujisi mutwe wakuti “AMULANGILE!” Miswaangano eeyi iyootalika mu May ku United States alimwi akuzumanana kucitika nyika yoonse mboizulwa. Mwatambwa kuti mukajanike kumuswaangano uuyoocitikila kufwaafwi ankomukkala. Amubabuzye Bakamboni ba Jehova bali kubusena nkomubede naa kulembela basikumwaya magazini eeyi.